अहमदनगर : शिल्पकार प्रमोद कांबळेंना मदत करण्यासाठी त्यांच्या बँक खात्याचा तपशील

कलातपस्वी प्रमोद कांबळेंच्या स्टुडिओला लागलेल्या आगीत मोठी कलासंपदा खाक झाली. महाराष्ट्रभरातून हळहळही व्यक्त झाली. पण त्यापुढे जाऊन ज्येष्ठ कलाकारांनी प्रमोद कांबळेंच्या स्टुडिओची नव्यानं निर्मिती करण्यासाठी मदतीचा हात पुढे करण्याचं आवाहन केलं.

दगडात जीव ओतणारा हा जादूगार अर्थात प्रमोद कांबळे. काल 1 वाजण्याच्या सुमारास नगरमधील त्यांच्या स्टुडिओला आग लागली. ज्यात अनमोल शिल्पं, चित्रं, कलाकृती खाक झाल्या. 20 वर्षांची तपश्चर्या अवघ्या काही मिनिटात बेचिराख झाली. पण ही वेदना बाजूला ठेऊन ज्येष्ठ कलाकारांनी प्रमोद कांबळेंच्या पंखांना बळ देण्याचं आवाहन केलं आहे.