अहमदनगर : गणित चुकल्यामुळे विद्यार्थ्याला अमानुष मारहाण

अहमदनगरमध्ये गणित चुकल्याच्या क्षुल्लक कारणामुळे विद्यार्थ्याला अमानुष मारहाण करण्यात आली आहे. आठ वर्षीय रोहन जंजीरेच्या तोंडात लाकडी छडी कोंबून त्याला बेदम मारण्यात आलं. छडीमुळे तोंडाला गंभीर दुखापत होऊन रोहनला श्वसनाचा त्रास झाला आहे. सध्या पुण्याच्या रुबी रुग्णालयात त्याच्यावर उपचार सुरु आहेत. कर्जत तालुक्यातल्या पिंपळवाडी जिल्हा परिषद शालेतली ही घटना आहे. चंद्रकांत शिंदे नावाच्या शिक्षकाने ही मारहाण केल्याचा आरोप होतोय. याप्रकरणी कर्जत पोलिस ठाण्यात गुन्हा दाखल झाला.