नागपूर : बाबासाहेब आंबेडकरांच्या जयंतीनिमित्त मुख्यमंत्र्यांकडून शुभेच्छा

भारतीय राज्यघटनेचे शिल्पकार डॉ. बाबासाहेब आंबेडकर यांची आज १२७ वी जयंती. या निमित्तानं  डॉ.बाबासाहेब आंबेडकर यांना अभिवादन करण्यासाठी चैत्यभूमीवर रात्रीपासून भीमसैनिकांनी मोठी गर्दी केलीय. राज्यपाल सी. विद्यासागर राव यांनी मुंबईत चैत्यभूमीवर जाऊन बाबासाहेबांना अभिवादन केलं. त्यांच्यासोबत शालेय शिक्षणमंत्री विनोद तावडे हेदेखील उपस्थित होते. तर तिकडे नागपूरच्या संविधान चौकात मुख्यमंत्री देवेंद्र फडणवीस यांनीदेखील डॉ. बाबासाहेब आंबेडकरांना अभिवादन केलं. बाबासाहेबांना अभिवादन करण्यासाठी रात्रीपासूनच नागपूरच्या दीक्षाभूमीवर भीमसैनिकांनी मोठी गर्दी केली आहे.