Sangli Flood Help : सांगली येथे प्रीतम सेल्स कॉर्पोरेशनकडून पूरग्रस्तांसाठी मोफत जेवणाची सोय

सांगलीत पूरग्रस्तांसाठी मागील 10 दिवसापासून प्रीतम डिस्ट्रीब्युटर्स  आणि प्रीतम सेल्स कॉर्पोरेशन कडून मोफत जेवण आणि औषधे उपलब्ध करून देण्यात येत आहे.  अभिनय  कामाजी आणि विद्या अभिनय कामाजी व संपूर्ण कर्मचारी वर्ग यांच्या वतीने हा सामाजिक उपक्रम राबविण्यात येत आहे. गरजू आणि गरीब पूरग्रस्तांसाठी ही सेवा सुरु आहे. महापुरामुळे  स्थलांतरित झालेल्या आणि आता घरी परतलेल्या नागरिकाच्या घरातील सगळा संसार हलवला गेला होता..काही घरात तर धान्य, भांडी आणि संसारउपयोगी साहित्य भिजले गेल्याने या कुटुंबात कुटुंबासाठी जेवण बनवणे शक्य नसते. हीच अडचण लक्षात घेऊन ही मोफत जेवणाची  सेवा  प्रीतम डिस्ट्रीब्युटर्स  आणि प्रीतम सेल्स कॉर्पोरेशन कडून करण्यात येत आहे.  पुराचे पाणी आलेल्या घरात एकीकडे घराची स्वच्छता करत असताना जेवण बनविणे अडचणीचे असते. त्यामुळे पूरग्रस्तांसाठी ही जेवणाची सोय केल्याबद्दल पूरग्रस्ताकडून प्रीतम ग्रुपचे आभार मानले जात आहेत.