Pradeep Kurulkar Molestation Special Report : प्रदीप कुरुलकरांचे नवीन कारनामे, दोन महिलांकडून गंभीर आरोप

Pradip Kurulkar :  पाकिस्तानला गोपनीय माहिती दिल्याचा आरोप असलेले डीआरडीओचे संचालक प्रदीप कुरुलकर यांनी डीआरडीओतील कामाची कंत्राटे देताना दोन महिलांचे लैंगिक शोषण केल्याच समोर आलं आहे.  एटीएसने न्यायालयात सादर केलेल्या दोषारोपपत्रात याची माहिती देण्यात आली आहे. त्यामुळं प्रदीप कुरुलकर यांच्या विरोधातील गुन्ह्यांमध्येही वाढ होण्याची शक्यता आहे.  

डीआरडीओचे संचालक असताना प्रदीप कुरुलकरांनी घातलेले एक ना अनेक उद्योग आता समोर येऊ लागले आहे. प्रदीप कुरुलकर यांच्यावर पाकिस्तानला भारताच्या क्षेपणास्त्र मोहिमांची गोपनीय माहिती दिल्याचा आरोप तर आहेच पण याच कुरुलकरांनी  डीआरडीओचे संचालक असताना दोन महिलांचं लैंगिक शोषण केल्याचंही समोर आलं आहे. डीआरडीओचे संचालक असताना  डीआरडीओच्या कॅम्पसमधील वेगवगेळ्या कामांची कंत्राटं देण्याचे अधिकार प्रदीप कुरुलकरना होते. मात्र ही कंत्राटं देताना त्यांनी दोन महिलांचं  डीआरडीओच्या गेस्ट हाऊसमध्ये लैंगिक शोषण केलं आणि त्यानंतर त्यांना कंत्राट दिल्याचं पीडित महिलांनी दिलेल्या जबानीत म्हटलं आहे.