Saat Barachya Batmya : 7/12 : कांद्याचे भाव ते आंबा बागांना फटका, शेतीविषयक प्रत्येक अपडेट

कांदा उत्पादकांच्या मागे लागलेले दुष्चक्र दोन महिन्यांपासून कायम आहे. धाराशिव तालुक्यातील विठ्ठलवाडी इथल्या शेतकऱ्याने सोलापूरला कांदा नेला. तीन प्रतीत कांद्याची वर्गवारी केल्यावर २४ क्विंटल ४५ किलो वजन भरले. ५० रुपये, ७५ रुपये आणि १०० रुपयांप्रमाणे दर मिळाला.२ हजार २१२ रुपये पट्टी झाली मात्र, तोलाई, हमाली, वारणी, मोटार भाड्याचे मिळून ३ हजार १८ रुपये खर्च आला. यामुळे करळे यांना त्यांच्या खिशातून ८०६ रुपये व्यापाऱ्याला देऊन रिकाम्या हाताने गावी परतावे लागले. जिल्ह्यातील बहुतांश शेतकऱ्यांची हिच व्यथा आहे.