T20 World Cup 2022: भारत आणि झिम्बाब्वे (IND vs ZIM) यांच्यात रविवारी टी-20 विश्वचषक सुपर 12 फेरीतील अखेरचा सामना मेलबर्न क्रिकेटच्या ग्राऊंडवर खेळला जाणार आहे. उपांत्य फेरीच्या उंबरठ्यावर उभ्या असलेल्या टीम इंडियाला झिम्बाब्वेविरुद्ध विजयाची नोंद करून अंतिम चारमध्ये पोहोचायचे आहे. टी-20 विश्वचषकात भारत आणि झिम्बाब्वे यांच्यात एकही सामना खेळला गेला नाही. भारत आण झिम्ब्बाब्वे यांच्यात आज टी-20 विश्वचषकातील अखरेचा सामना खेळला जाणार आहे. यापूर्वी दोन्ही संघातील हेड टू हेडवर नजर टाकुयात.
भारतीय संघाने आतापर्यंत चार सामने खेळले आहेत, त्यापैकी तीन सामन्यात विजय मिळवला आहे. तर, एका सामन्यात त्यांना दक्षिण आफ्रिकेविरुद्ध पराभवाचा सामना करावा लागला आहे. 3 सामन्यांतील विजयासह टीम इंडियाने सहा गुणांची कमाई केलीय आणि ग्रुप 'अ' च्या गुणतालिकेत पहिल्या क्रमांकावर आहे. दुसरीकडे, झिम्बाब्वेच्या संघानं मागील चार सामन्यांपैकी एकच सामना जिंकला आहे. तर, दोन सामन्यात पराभव पत्कारला आहे. याशिवाय, त्यांचा एक सामना पावसामुळं होऊ शकला नाही. झिम्बाब्वेचा संघ 3 गुणांसह पाचव्या स्थानावर आहे.
हेड टू हेड रेकॉर्ड
भारत आणि झिम्बाब्वे यांच्यात आतापर्यंत सात आंतरराष्ट्रीय टी-20 सामने खेळले गेले. यातील सात पैकी पाच सामन्यात भारतानं विजय मिळवला आहे. तर, दोन सामन्यात पराभव स्वीकारला आहे. झिम्बाब्वेविरुद्ध टी-20 सामन्यात भारताकडून सर्वाधिक 100 धावांची खेळी केली. टी-20 सामन्यातील आकडेवारी पाहता भारतीय संघाचं पारडं जड दिसत आहे.
संघ
भारतीय संघ:
केएल राहुल, रोहित शर्मा (कर्णधार), विराट कोहली, सूर्यकुमार यादव, हार्दिक पांड्या, दिनेश कार्तिक (डब्ल्यू), अक्षर पटेल, रविचंद्रन अश्विन, भुवनेश्वर कुमार, मोहम्मद शमी, अर्शदीप सिंग, युझवेंद्र चहल, हर्षल पटेल, दीपक हुडा , ऋषभ पंत.
झिम्बाब्वे संघ:
वेस्ली मधवेरे, क्रेग एर्विन (कर्णधार), रेगिस चकाब्वा (विकेटकिपर), सीन विल्यम्स, सिकंदर रझा, मिल्टन शुम्बा, रायन बर्ल, ल्यूक जोंगवे, रिचर्ड नगारावा, तेंडाई चतारा, ब्लेसिंग मुझाराबानी, वेलिंग्टन मसाकादझा, टोनी इवांन्गा, टोनी इवान्गा , क्लाईव्ह मदंडे.
हे देखील वाचा-