कोलकाता : डीआरएसपेक्षा आपल्याला धोनीवर विश्वास आहे, असं टीम इंडियाचा कर्णधार विराट कोहली इंग्लंडविरुद्धच्या मालिकेपूर्वी म्हणाला होता. त्याचा अनुभव पुणे आणि कटक वन डेत आलाही. मात्र कोलकाता वन डेत विराटने धोनीला न विचारता घेतलेला रिव्ह्यू अयशस्वी ठरला. कोलकाता वन डेत 28 व्या षटकात जसप्रित बुमरा गोलंदाजी करत असताना हा अनुभव आला. इंग्लंडचा कर्णधार इयॉन मॉर्गन खेळत असताना धोनीच्या हातात त्याचा एक झेल गेला. मात्र धोनी आणि बुमराने अपील करुनही पंचांनी कोहलीला अपेक्षित निर्णय दिला नाही. त्यामुळे त्याने डीआरएस घेतला. मात्र हा डिआरएस अयशस्वी ठरला.

धोनी मैदानात कर्णधार नसल्याचं विसरला तेव्हा...

धोनीने घेतलेले रिव्ह्यू 95 टक्के यशस्वी ठरले आहेत, असं कोहलीने मालिकेपूर्वी सांगितलं होतं. कोलकाता वन डेत कोहलीच्या याच वक्तव्याची प्रचिती आली. कारण पुणे आणि कटक वन डेतही धोनीला विचारुन घेतलेले रिव्ह्यू यशस्वी ठरले होते. https://twitter.com/HaoBePakaMat/status/823109166235615235 पुण्यात हार्दिक पंड्याच्या चेंडूवर मॉर्गनला आऊट न दिल्याने धोनीने कोहलीला न विचारताच डीआरएस घेतला होता. तो यशस्वीही ठरला. तर कटकमध्ये युवराजला पंचाने झेलबाद दिल्यानंतर धोनीने डीआरएस घेतला. धोनीचा तो निर्णयही योग्य ठरला होता.