हैदराबादचा कर्णधार डेव्हिड वॉर्नरने जसप्रीत बुमराने टाकलेल्या सहाव्या षटकाच्या अखेरच्या चेंडूवर चौकार ठोकला होता. तरीही मॅकलेनहानने टाकलेल्या सातव्या षटकाच्या पहिल्या चेंडूवर पुन्हा वॉर्नरनेच स्ट्राईक घेतला.
धक्कादायक बाब म्हणजे पंच सी. के. नंदन आणि नितीन मेनन यांच्या ती बाब लक्षात आली नाही. पण टेलिव्हिजन पंच वाय. सी. यार्डे यांनीही मैदानातल्या पंचांच्या नजरेस त्यांची ही चूक आणली नाही.
मुंबई इंडियन्सच्या मागच्या सामन्यातही पंचांची हीच जोडी मैदानात होती. त्यावेळी त्यांनी मुंबईच्या दोन फलंदाजांना चुकीच्या पद्धतीने बाद दिलं होतं. त्यापैकी एक विकेट रोहित शर्माची होती.