पात्रता लढतीतील जोरदार विजयासह सुशील कुमार जागतिक कुस्ती स्पर्धेसाठी भारतीय संघात

ऑलिम्पिक पदकविजेता भारतीय पैलवान सुशील कुमारनं जागतिक कुस्ती स्पर्धेसाठी भारतीय संघात आपलं स्थान निश्चित केलं आहे.

नवी दिल्ली : ऑलिम्पिक पदकविजेता भारतीय पैलवान सुशील कुमारनं जागतिक कुस्ती स्पर्धेसाठी भारतीय संघात आपलं स्थान निश्चित केलं आहे. सुशील कुमारने नवी दिल्लीमध्ये झालेल्या पात्रता लढतीत 74 किलो वजनी गटात जितेंदर कुमारवर 4-2 अशी मात केली. त्यामुळे जागतिक कुस्ती स्पर्धेसाठी सुशील कुमारचं तिकीट पक्क झालं आहे.

कझाकिस्तानच्या नूर ए सुल्तानमधे 14 सप्टेंबरपासून वरिष्ठ जागतिक कुस्ती अजिंक्यपद स्पर्धेचं आयोजन करण्यात आले आहे. ही स्पर्धा ऑलिम्पिक पात्रतेच्या दृष्टीनं महत्त्वाची मानली जाते. या स्पर्धेत पदक जिंकून टोकियो ऑलिम्पिक स्पर्धेसाठी सुशील कुमारचं पाऊल पडणार आहे.