सानिया मिर्झाच्या आत्मचरित्राचं काल मुंबईत बॉलिवूड अभिनेता सलमान खानच्या हस्ते अनावरण करण्यात आलं. यावेळी सानियाला प्रार्थना विषयी प्रश्न विचारण्यात आला. बार्शीची प्रार्थना ठोंबरे रिओ ऑलिम्पीकमध्ये सानियाच्या जोडीने खेळणार आहे. सानिया आणि प्रार्थना यांच्या जोडीबद्दल सध्या सगळीकडे चर्चा आहे.
प्रार्थना सध्या सानिया मिर्झाच्या हैदराबादच्या अकादमीमध्ये प्रशिक्षण घेत आहे. रिओ ऑलिम्पीकमध्ये सानियाला दुहेरीमध्ये प्रार्थनाची साथ मिळणार आहे. प्रार्थना एक चांगली खेळाडू आहे. तिच्या यंग टॅलेंटचा फायदा होईल अशी प्रतिक्रिया सानियाने दिली.