यंदाच्या मोसमापासून तो प्रो कबड्डी लीगच्या कोर्टवर तामिळनाडूच्या संघाचा को-ओनर म्हणून दिसेल. प्रो कबड्डी लीगमध्ये यंदाच्या मोसमात तामिळनाडू, गुजरात, उत्तर प्रदेश आणि हरयाणा या चार संघांचा समावेश होणार आहे.
तामिळनाडू संघाचे हक्क इक्वेस्ट एन्टरप्राईझेस प्रायव्हेट लिमिटेडनं मिळवले आहेत. या कंपनीत सचिन तेंडुलकर आणि उद्योजक एन. प्रसाद यांची गुंतवणूक आहे.
सचिननं एक खेळाडू म्हणून आयपीएलला रामराम ठोकल्यानंतरही, मेन्टॉरच्या भूमिकेतून मुंबई इंडियन्सशी आपलं नातं कायम राखलं आहे. त्यानंतर इंडियन सुपर लीगमधल्या केरला ब्लास्टर्स संघातही को-ओनर म्हणून त्यानं गुंतवणूक केली आहे.