नवी दिल्लीः हॉकीचे जादूगार म्हणून ओळखले जाणारे मेजर ध्यानचंद यांची आज जयंती. भारतीय हॉकी संघाला सर्वोच्च स्थानावर नेऊन ठेवण्यात महत्वाचा वाटा असलेल्या ध्यानचंद यांचा जन्मदिवस हा भारतात क्रीडा दिन म्हणून साजरा केला जातो. गेले वर्षभर आणि ऑलिम्पिकमध्ये दमदार कामगिरी करणाऱ्या खेळाडूंचा आजच्या दिवशी विविध पुरस्कारांनी गौरव केला जाणार आहे.  

सिंधू, साक्षी, दीपा आणि जितू रायला 'खेलरत्न'

  रिओ ऑलिम्पिकमध्ये यंदा चमकदार कामगिरी करणाऱ्या पी.व्ही. सिंधू, साक्षी मलिक तसेच नेमबाज जितू राय यांचा राजीव गांधी खेल रत्न पुरस्काराने गौरव करण्यात येणार आहे. तर महाराष्ट्राची धावपटू ललिता बाबर, मुंबईचा क्रिकेटपटू अजिंक्य रहाणे, हॉकीपटू व्ही.आर.रघुनाथ यांना अर्जुन पुरस्काराने गौरवण्यात येईल.  

क्रीडादिनाच्या पूर्वसंध्येला पंतप्रधानांची क्रीडारत्नांशी भेट

  ऑलिम्पिकमध्ये पहिल्यांदाच दमदार कामगिरी करणाऱ्या दीपा कर्माकरचे प्रशिक्षक बिश्वेश्वर नंदी यांचा द्रोणाचार्य पुरस्काराने गौरव करण्यात येणार आहे. राष्ट्रपती भवनात आज दुपारी 12.30 वाजता हा सोहळा रंगणार आहे.   संबंधित बातम्याः

साक्षी-सिंधूसह प्रथमच चौघांना 'खेलरत्न' मिळण्याची शक्यता

पैलवान साक्षी मलिकला खेलरत्न पुरस्कारानं गौरवणार!