राहुलनं कसोटी फलंदाजांच्या क्रमवारीत 57 व्या स्थानावरून थेट अकरावं स्थान गाठलं आहे. त्याच्या खात्यात सध्या 739 गुण जमा आहेत.
बॉर्डर गावस्कर ट्रॉफीसाठीच्या चार कसोटी सामन्यांमध्ये लोकेश राहुलनं सहा अर्धशतकांसह एकूण 393 धावांचा रतीब घातला होता.
या मालिकेत सर्वाधिक धावा करणारा चेतेश्वर पुजारा कसोटी फलंदाजांच्या क्रमवारीत 846 गुणांसह चौथ्या स्थानावर आहे. भारताचा कर्णधार विराट कोहली 818 गुणांसह पाचव्या स्थानावर आहे.
अजिंक्य रहाणेचं रँकिंगही वधारलं असून, रहाणेत आता कसोटी फलंदाजांमध्ये चौदाव्या स्थानावर आहे. या यादीत ऑस्ट्रेलियाचा कर्णधार स्टीव्ह स्मिथनं 941 गुणांसह आपलं अव्वल स्थान आणखी भक्कम केलं आहे.
न्यूझीलंडचा केन विल्यमसन दुसऱ्या आणि इंग्लंडचा ज्यो रूट तिसऱ्या स्थानावर आहे.