मलिंगाने दोन वेळा कराराचं उल्लंघन केलं आहे. माध्यमांमध्ये काहीही बोलण्याआधी मलिंगाला बोर्डाच्या अधिकाऱ्यांशी सल्लामसलत करणं आवश्यक आहे, असं क्रिकइंफोने श्रीलंका क्रिकेट बोर्डाच्या हवाल्याने म्हटलं आहे.
मलिंगाने 19 जून आणि त्यानंतर 21 जून असं दोन वेळा कराराचं उल्लंघन केलं आहे. त्यामुळे तीन सदस्यीय समिती त्याची चौकशी करणार आहे. ही समिती कार्यकारी समितीला चौकशीला अहवाल देईल, असं श्रीलंका क्रिकेट बोर्डाने म्हटलं आहे.
श्रीलंका क्रिकेट बोर्डाने मंगळवारी एक बैठकही बोलावली आहे. ज्यामध्ये प्रशिक्षक ग्राहम फोर्ड यांचा राजीनामा आणि नव्या प्रशिक्षकाच्या नियुक्तीविषयी चर्चा केली जाणार आहे.