MI vs SRH, IPL 2022: मुंबईविरुद्ध (Mumbai Indians) सामन्यातही सनरायजर्स हैदराबादच्या (Sunrisers Hyderabad) उमरान मलिकनं (Umran Malik) चमकदार कामगिरी करून दाखवली. या सामन्यात त्यानं मुंबईच्या तीन महत्वाच्या फलंदाजानं आपल्या जाळ्यात अकडलं. ज्यामुळं हैदराबादच्या संघानं सामन्यावर मजूबत पकड मिळवली. हैदराबादनं दिलेल्या 194 धावांचा पाठलाग करताना मुंबईच्या संघाची दमछाक झाली. मुंबईनं 20 षटकात सात विकेट्स गमावून 190 धावा केल्या. हा सामना हैदराबादच्या संघानं तीन धावांनी जिंकला.
हैदराबाद आणि मुंबई यांच्यातील सामन्याचे महत्वाचे मुद्दे-
-हैदराबादविरुद्ध नाणेफेक जिंकून मुंबईच्या संघानं प्रथम गोलंदाजी करण्याचा निर्णय घेतला.
-नाणेफेक गमावून हैदराबादच्या संघाची सुरुवात खराब झाली. हैदराबादच्या डावातील तिसऱ्या षटकात अभिषेक शर्माच्या रुपात संघाला पहिला धक्का बसला.
- त्यानंतर प्रियम गर्ग आणि राहुल त्रिपाठीनं संघाचा डाव सारवला. दोघांमध्ये 78 धावांची भागेदारी झाली.
- प्रियम गर्ग बाद झाल्यानंतर राहुल त्रिपाठी आणि निकोलस पूरननं चांगली फलंदाजी करत संघाची धावसंख्या पुढे नेली.
- हैदराबादच्या संघानं 20 षटकात सहा विकेट्स गमावून मुंबईसमोर 194 धावांचं आव्हान उभ केलं.
- हैदराबादच्या संघानं दिलेल्या 194 लक्ष्याचा पाठलाग करताना मुंबईच्या संघाची सुरुवात चांगली झाली. सलामीवीर रोहित शर्मा आणि ईशान किशननं पहिल्या विकेट्ससाठी 95 धावांची भागिदारी केली.
- परंतु, वाशिंग्टन सुंदरच्या गोलंदाजीवर अकराव्या षटकातील चौथ्या चेंडूवर रोहित शर्मा बाद झाला. त्याचं दोन धावांनी अर्धशतक हुकलं.
- त्यानंतर ईशान किशन उमरान मलिकेचा शिकार ठरला. दरम्यान, डेनियल सॅम्स आणि तिळक वर्माला या सामन्यात काही खास कामगिरी करता आली नाही.
- त्यानंतर मैदानात आलेल्या टीम डेव्हिडनं संघाचा डाव पुढे नेण्याचा प्रयत्न केला. परंतु, तो ही अठराव्या षटकात धावचीत झाला.
- मुंबईच्या संघानं 20 षटकात सात विकेट्स गमावून 190 धावा केल्या. या सामन्यात मुंबईचा तीन धावांनी पराभव झाला.
हे देखील वाचा-