Kolkata Knight Riders And Sunrisers Hyderabad IPL 2024 Final : आयपीएल 17 चं विजेतेपद कुणाला मिळणार? याचं उत्तर आज मिळणार आहे. कोलकाता नाईट रायडर्स आणि सनरायजर्स हैदराबाद यांच्यामध्ये आज खिताबी लढत होणार आहे. चेन्नईच्या चेपॉक स्टेडियमवर हैदराबादचा कर्णधार पॅट कमिन्स यानं नाणेफेक जिंकून प्रथम फलंदाजीचा निर्णय घेतलाय. कोलकाता नाइट रायडर्स प्रथम गोलंदाजीसाठी मैदानात उतरणार आहे. कोलकात्याच्या ताफ्यात कोणताही बदल करण्यात आला नाही, हैदराबादचा संघ एका बदलासह मैदानात उतरला आहे.
नाणेफेक जिंकल्यानंतर पॅट कमिन्स काय म्हणाला ?
चेपॉकची खेळपट्टी चांगली दिसत आहे. खेळपट्टी पडताळण्यात मी तितका चांगला नाही, पण खेळपट्टी चांगली दिसत आहे. राजस्थानविरोधातील सामन्यावेळी दव नव्हते. आजही दव असेल असं वाटत नाही. पण येईल की नाही सांगू शकत नाही. आम्ही एका विशिष्ट शैलीसह खेळत आहोत, प्रत्येक वेळी यासह यश मिळेल असं नाही, पण जेव्हा ते चालेल तेव्हा ते शानदार असते. संघात एक बदल असेल, अब्दुल समदच्या जागी शाहबाज अहमद याला स्थान देण्यात आलेय.
श्रेयस अय्यर काय म्हणाला ?
नाणेफेक जिंकली असती तर आम्ही प्रथम गोलंदाजी घेतली असती. या खेळपट्टीची माती एलिमिनेटरपेक्षा वेगळी आहे. आम्हाला आमच्या ताकदीवर खेळायचं आहे. आम्ही एकमेकांना पाठीशी घालत आलो आहोत. जेव्हा-जेव्हा आमच्यावर दबाव आला तेव्हा आम्ही चांगली कामगिरी केली. बरेच लोक जे त्यांचा पहिला फायनल खेळत आहेत, त्यांच्यामध्ये अस्वस्थता आहे. आशा आहे की आम्ही हे जिंकू शकू. प्लेईंग 11 मध्ये कोणताही बदल नाही.
केकेआरची इलेव्हन
रहमानउल्ला गुरबाज (विकेटकीपर), सुनील नरेन, व्यंकटेश अय्यर, श्रेयस अय्यर (कर्णधार), रिंकू सिंग, आंद्रे रसेल, रमणदीप सिंग, मिचेल स्टार्क, वैभव अरोरा हर्षित राणा, वरुण चक्रवर्ती.
इम्पॅक्ट प्लेअर - अनुकुल रॉय, मनिष पांडे, नितीश राणा, केएस भरत शरफन रुदरफोर्ड
KKR: 1 Sunil Narine, 2 Rahmanullah Gurbaz (wk), 3 Shreyas Iyer (capt), 4 Venkatesh Iyer, 5 Rinku Singh, 6 Andre Russell, 7 Ramandeep Singh, 8 Mitchell Starc, 9 Vaibhav Arora, 10 Harshit Rana, 11 Varun Chakravarthy
KKR Impact Players: Anukul Roy, Manish Pandey, Nitish Rana, KS Bharat, Sherfane Rutherford
सनरायझर्स हैदराबादची इलेव्हन
ट्रॅव्हिस हेड, अभिषेक शर्मा, राहुल त्रिपाठी, हेनरिक क्लासेन (विकेटकीपर), एडन मार्कराम, नितीश कुमार रेड्डी,शाहबाज अहमद, पॅट कमिन्स (कर्णधार), भुवनेश्वर कुमार, टी. नटराजन आणि जयदेव उनादकट
इम्पॅक्ट प्लेअर - अब्दुल समद, मयांक मार्केंडय, ग्लेन फिलिप्स, वॉशिंगटन सुंदर, उमरान मलिक
SRH 1 Travis Head, 2 Abhishek Sharma, 3 Rahul Tripathi, 4 Aiden Markram, 5 Nitish Kumar Reddy, 6 Heinrich Klaasen (wk), 7 Shahbaz Ahmed, 8 Pat Cummins (capt), 9 Bhuvneshwar Kumar, 10 Jaydev Unadkat, 11 T Natarajan
SRH Impact players Abdul Samad, Mayank Markande, Glenn Phillips, Washington Sundar, Umran Malik