KL Rahul Health Update : सध्या सर्वत्र आयपीएल (IPL 2023) फीवर पाहायला मिळत आहे. यंदाच्या आयपीएलमध्ये (Indian Premier League) अनेक खेळाडूंमागे दुखापतीचं ग्रहण लागलं आहे. त्यातीलच एक म्हणजे भारतीय क्रिकेटपटू आणि आयपीएल (IPL) फ्रेंचायझी लखनौ सुपर जायंट्सचा (Lucknow Super Giants) कर्णधार केएल राहुल (KL Rahul). दुखापतीमुळे आयपीएल 2023 (IPL 2023) मधून बाहेर गेलेल्या केएल राहुलवर आज, 9 मे रोजी शस्त्रक्रिया पार पडणार आहे. आयपीएल सामन्यादरम्यान तो जखमी झाला होता. त्याची दुखापत गंभीर असल्याने तो आयपीएलचे उर्वरित सामने खेळू शकणार नाही. शिवाय तो वर्ल्ड टेस्ट चॅम्पियनशिपलाही (WTC Final 2023) मुकणार आहे. आज त्याच्या मांडीच्या दुखापतीवर शस्त्रक्रिया पार पडणार आहे.
आज केएल राहुलच्या दुखापतीवर शस्त्रक्रिया
रॉयल चॅलेंजर्स बंगळुरूविरुद्धच्या सामन्यात क्षेत्ररक्षण करताना भारतीय संघाचा खेळाडू केएल राहुल (KL Rahul Injured) जखमी झाला होता. त्यामुळे तो आयपीएलच्या (IPL 2023) उर्वरित सामन्यांमध्ये खेळू शकणार नाही. याशिवाय, राहुल वर्ल्ड टेस्ट चॅम्पियनशिप (ICC World Test Championship 2023) च्या अंतिम सामन्यात खेळू शकणार नाही. आज त्याच्यावर शस्त्रक्रिया होणार आहे.
सासरा सुनील शेट्टीची म्हणाला...
दरम्यान, राहुलच्या दुखापतीमुळे त्याची पत्नी अथिया शेट्टी आणि सासरे म्हणजेच अभिनेता सुनील शेट्टीही चिंतेत आहेत आणि त्यांनी अलीकडेच त्याच्या प्रकृतीशी संबंधित माहिती शेअर केली आहे. सुनील शेट्टीनं म्हटलं आहे की, ''राहुलवर 9 मे रोजी शस्त्रक्रिया होणार आहे. त्याला आपल्या सर्वांच्या शुभेच्छांची गरज आहे. भारतीय क्रिकेट संघात अनेक उत्कृष्ट खेळाडू आहेत आणि सगळेच सक्षम आहेत. माझ्या मते वर्ल्ड टेस्ट चॅम्पियनशिप फायनलमधील दुसऱ्या खेळाडूंसाठी ही संधी आहे. याशिवाय कोणताही खेळाडू खेळापेक्षा मोठा नसतो.''
टीम इंडियाला मोठा धक्का
भारत आणि ऑस्ट्रेलिया यांच्यात सात जूनपासून वर्ल्ड टेस्ट चॅम्पिनशिपच्या फायनलला सुरुवात होणार आहे. लंडनमधील ओव्हल मैदानावर हे दोन्ही संघ एकमेंकसमोर उभे असतील. ऑस्ट्रेलिया आणि भारताने आपल्या टीमची घोषणा केली आहे. काही खेळाडू इंग्लंडमध्ये सराव करत आहेत. तर काही खेळाडू आयपीएलमध्ये खेळत आहेत. वर्ल्ड टेस्ट चॅम्पियनच्या फायनलपूर्वी टीम इंडियाला मोठा धक्का बसलाय. अनेक खेळाडू दुखापतग्रस्त आहेत.