India vs England : भारत आणि इंग्लंड यांच्यातील पाच सामन्यांची कसोटी मालिका 20 जूनपासून सुरू होत आहे. या मालिकेपूर्वी भारताचा स्टार यष्टीरक्षक फलंदाज केएल राहुलने एक मोठा निर्णय घेतला आहे. खरंतर इंग्लंडमध्ये एक सराव सामना खेळण्याचा निर्णय त्याने घेतला आहे. तो 6 जूनपासून इंग्लंड लायन्स विरुद्ध इंडिया अ संघाकडून दुसरा सराव सामना खेळताना दिसणार आहे. 18 सदस्यीय कसोटी संघाचा सदस्य असलेल्या राहुलने निवडकर्त्यांना कळवले की तो सराव सामन्यासाठी उपलब्ध असेल, कारण त्याचा आयपीएल संघ दिल्ली कॅपिटल्स प्लेऑफसाठी पात्र ठरू शकला नाही.
इंडियन एक्सप्रेसने बीसीसीआयच्या एका सूत्राचा हवाला देत म्हटले आहे की, "तो सोमवारी इंग्लंडला जाणार आहे आणि इंडिया अ संघासोबत दुसरा सराव सामना खेळेल. तो मालिकेत पाच कसोटी सामने खेळणाऱ्या वरिष्ठ पुरुष संघाचा भाग असल्याने, या सामन्यांमुळे त्याला सराव करण्याची संधी मिळेल."
ऑस्ट्रेलियात राहुल चमकला...
भारत अ संघाचा पहिला सराव सामना शुक्रवारी कॅन्टरबरी येथे सुरू होईल, तर दुसरा सराव सामना 6 जून रोजी सुरू होईल. त्यानंतर पूर्ण भारतीय संघ 13 जून रोजी बेकेनहॅम येथे एक सामना देखील खेळेल, लीड्स येथील पहिल्या कसोटीच्या एक आठवडा आधी. राहुल नोव्हेंबर-जानेवारीमध्ये ऑस्ट्रेलियात भारतीय कसोटी संघाचा भाग होता. त्याने ऑस्ट्रेलियात पाच कसोटी सामन्यांमध्ये 30.66 च्या सरासरीने 255 धावा केल्या, ज्यामध्ये दोन अर्धशतकांचा समावेश होता. त्याने पर्थ कसोटीत 77 धावांची खेळी खेळली.
राहुलने आतापर्यंत भारतासाठी 58 कसोटी सामने खेळले आहेत, 33.57 च्या सरासरीने 3,257 धावा केल्या आहेत, ज्यापैकी त्याची सर्वोत्तम धावसंख्या 199 आहे. या दरम्यान, त्याच्या बॅटमधून आठ शतके आणि 17 अर्धशतके झाली आहेत. रोहित शर्मा आणि विराट कोहली मे महिन्यात निवृत्त झाल्यानंतर तो इंग्लंडमध्ये भारतीय संघाच्या वरिष्ठ फलंदाजांपैकी एक असेल.
भारत विरुद्ध इंग्लंड कसोटी मालिकेचे संपूर्ण वेळापत्रक -
पहिली कसोटी- 20-24 जून, 2025 - हेडिंग्ले, लीड्सदुसरी कसोटी- 2-6 जुलै, 2025 - एजबॅस्टन, बर्मिंगहॅमतिसरी कसोटी- 10-14 जुलै, 2025 - लॉर्ड्स, लंडनचौथी कसोटी- 23-27 जुलै, 2025 - ओल्ड ट्रॅफर्ड, मँचेस्टरपाचवी कसोटी- 31 जुलै-4 ऑगस्ट 2025 - द ओव्हल, लंडन
भारताचा इंग्लंड दौऱ्यासाठी कसोटी संघ (2025)
कर्णधार : शुभमन गिलउपकर्णधार आणि विकेटकीपर : ऋषभ पंतफलंदाज : यशस्वी जैस्वाल, के.एल. राहुल, साई सुदर्शन, अभिमन्यू ईश्वरन, करुण नायर, नितीश कुमार रेड्डीऑलराउंडर : रवींद्र जडेजा, वॉशिंग्टन सुंदर, शार्दुल ठाकूरगोलंदाज : जसप्रीत बुमराह, मोहम्मद सिराज, प्रसिद्ध कृष्णा, आकाश दीप, अर्शदीप सिंग, कुलदीप यादवविकेटकीपर : ध्रुव जुरेल