KKR vs PBKS: मुंबईतील वानखेडे स्टेडिअमवर कोलकाता आणि पंजाब यांच्यातील आयपीएलमधील आठवा सामना सुरु आहे. कोलकाता संघाचा कर्णधार श्रेयस अय्यरने नाणेफेक जिंकून प्रथम गोलंदाजी करण्याचा निर्णय घेतला. अय्यरचा हा निर्णय कोलकात्याच्या गोलंदाजांनी सार्थ ठरवला आहे. कारण पंजाबचा अर्धा संघ 100 धावांच्या आत माघारी परतला आहे.
पंजाबच्या फलंदाजांनी प्रथम फलंदाजी करताना वादळी सुरुवात केली. कर्णधार मयांक अग्रवाल बाद झाल्यानंतरही धावांची गती कायम ठेवली. तिसऱ्या क्रमांकावर फंलदाजीसाठी आलेल्या बानुका राजपक्षे याने पहिल्या चेंडूपासूनच आक्रमक फलंदाज केली. राजपक्षेने कोलकात्याच्या गोलंदाजांचा चांगलाच समाचार घेताल. राजपक्षेनं फक्त 9 चेंडूत 31 धावांची वादळी खेळी केली. यामध्ये तीन चौकार आणि तीन षटकारांचा पाऊस पाडला.
राजपक्षेने चौथ्या षटकात शिवम मावीच्या गोलंदाजीची पिसे काढली. मावीच्या या षटकाच्या पहिल्याच चेंडूवर राजपक्षेने चौकार लगावत आपले मनसुबे स्पष्ट केले होते. त्यानंतर राजपक्षे याने लागोपाठ तीन गगनचुंबी षटकार लगावले. राजपक्षेच्या वादळी खेळीनंतर सोशल मीडियावर मीम्सचा पाऊस पडला आहे. अनेकांनी आपल्या प्रतिक्रिया दिल्या आहेत.
पाहा व्हायरल मीम्स...