IPL 2024 Latest Points Table: दिल्लीचा विजय अन् 4 संघांचा क्रम बदलला;चेन्नईला सामना न खेळता फायदा झाला, पाहा IPL Points Table

IPL 2024 Latest Points Table: दिल्लीने विजयासह झेप घेतली आहे, तर लखनौला मोठा फटका बसला आहे.

IPL 2024 Latest Points Table: आयपीएल 2024 मधील 26 व्या सामन्यात दिल्ली कॅपिटल्स (Delhi Capitals) आणि लखनौ सुपर जायंट्स (Lucknow Super Giants) यांच्यात खेळला गेला. लखनौच्या एकना स्टेडियमवर झालेल्या या सामन्यात दिल्लीने घरच्या संघाचा म्हणजेच लखनौचा 6 विकेट्सने पराभव केला. या सामन्यानंतर आयपीएलच्या गुणतालिकेत मोठा बदल पाहायला मिळत आहे. दिल्लीने विजयासह झेप घेतली आहे, तर लखनौला मोठा फटका बसला आहे.

लखनौविरुद्धच्या सामन्यापूर्वी दिल्लीचा संघ तळाच्या म्हणजे 10व्या स्थानावर होता. आता दिल्ली 4 गुण आणि -0.975 च्या रन रेटसह नवव्या स्थानावर आली आहे. सामन्यापूर्वी लखनौ तिसऱ्या क्रमांकावर होता, जो आता चौथ्या क्रमांकावर घसरला आहे. लखनौचे 6 गुण आहेत आणि नेट रनरेट +0.436 आहे.

पहिल्या क्रमांकावर राजस्थान रॉयल्स-

आयपीएलच्या या हंगामात आतापर्यंत सर्वोत्तम फॉर्ममध्ये असलेला राजस्थान रॉयल्स 8 गुणांसह अव्वल स्थानावर आहे. त्यानंतर कोलकाता नाइट रायडर्स, चेन्नई सुपर किंग्ज आणि लखनौ सुपर जायंट्स 6-6 गुणांसह अनुक्रमे दुसऱ्या, तिसऱ्या आणि चौथ्या स्थानावर आहेत. KKR चा नेट रनरेट +1.528 आणि चेन्नईचा +0.666 आहे.

बंगळुरु तळाला-

सनरायझर्स हैदराबाद आणि गुजरात टायटन्स संघ प्रत्येकी 6 गुणांसह पाचव्या आणि सहाव्या स्थानावर आहेत. हैदराबादचा निव्वळ नेट रनरेट +0.344 आणि गुजरातचा -0.637 आहे. त्याखालोखाल मुंबई इंडियन्स, पंजाब किंग्ज आणि दिल्ली कॅपिटल्स 4-4 गुणांसह अनुक्रमे सातव्या, आठव्या आणि नवव्या स्थानावर आहेत. मुंबईचा नेट रनरेट -0.073 आणि पंजाबचा -0.196 आहे. त्यानंतर गुणतालिकेत रॉयल चॅलेंजर्स बंगळुरू तळाच्या 10व्या स्थानावर आहे. आरसीबी हा या हंगामातील एकमेव संघ आहे, ज्याने आतापर्यंत केवळ 1 विजय नोंदवला आहे. बंगळुरूने 6 सामने खेळले आहेत, ज्यात फक्त 1 सामना जिंकला आहे.

युवा खेळाडूंचे सामन्यावर वर्चस्व-

लखनौ आणि दिल्लीतील या सामन्यात युवा खेळाडूंनी वर्चस्व गाजवले. तत्पूर्वी, लखनौने अवघ्या 74 धावांत 7 विकेट गमावल्या होत्या, मात्र त्यानंतर आयुष बडोनीने 35 चेंडूत 55 धावा केल्या आणि अर्शद खाननेही 16 चेंडूत 20 धावा करत लखनौला 167 धावांपर्यंत नेले. दरम्यान, अर्शद खाननेही गोलंदाजीने प्रभावित केले. दुसरीकडे, दिल्लीकडून जेक फ्रेझर मॅकगर्कने पदार्पणाच्याच सामन्यात 55 धावांची शानदार खेळी करत संघाच्या विजयात मोलाचे योगदान दिले.

संबंधित बातम्या: