विराट कोहलीची झंझावाती खेळी; 4 चौकार अन् 4 षटकार ठोकत झळकावले अर्धशतक

Virat Kohli Half Century : लखनौविरोधात विराट कोहलीने झंझावाती खेळी करत अर्धशतक झळकावले.

Virat Kohli Half Century : लखनौविरोधात विराट कोहलीने झंझावाती खेळी करत अर्धशतक झळकावले. नाणेफेक गमावल्यानंतर विराट कोहलीने फाफ डु प्लेसिससोबत पहिल्या चेंडूपासूनच आक्रमक फलंदाजी केली. विराट कोहलीने 44 चेंडूत 66 धावांचा पाऊस पाडला. या खेळीत विराट कोहलीने 4 चौकार आणि 4 षटकार लगावले. विराट कोहलीने फाफसोबत 96 धावांची सलामीची भागिदारी केली. विराट कोहलीने लखनौच्या प्रत्येक गोलंदाजांचा समाचार घेतला. विराट कोहलीने 35 चेंडूत अर्धशतक झळकावले. 

विराट कोहलीच्या बॅटमधून पुन्हा एकदा धावांचा पाऊस पाडला. आयपीएलच्या सोळाव्या हंगामात विराट कोहलीने दुसरे अर्धशतक झळकावले. मुंबईविरोधात नाबाद 82 धावांची खेळी केली होती. त्यानंतर कोलकात्याविरोधात तो लवकर तंबूत परतला होता. कोलकात्याविरोधात विराट कोहलीने 21 धावांची छोटेखानी खेळी केली होती. आज पुन्हा एकदा विराट कोहलीने अर्धशतक झळकावत आरसीबीच्या धावसंख्येला आकार दिला. 

विराट कोहलीने अर्धशतक झळकावत आरसीबीच्या धावसंख्येचा पाया रचला. आशिया कप 2022 पासून विराट कोहली पुन्हा एकदा फॉर्मात परतलाय. विराट कोहलीच्या बॅटमधून पुन्हा एकदा चौकार आणि षटकारांचा पाऊस पडतोय. विराट कोहलीने आयपीएलच्या तीन सामन्यात 164 धावा केल्या आहेत. मुंबईविरोधात 49 चेंडूत 82 धावा केल्या होत्या. कोलकात्याविरोधात 18 चेंडूत 21 धावा चोपल्या होत्या. आज 44 चेंडूत 61 धावा चोपल्या. विराट कोहलीच्या अर्धशतकाच्या बळावर आरसीबीने मोठ्या धावसंख्येकडे आगेकूच केली आहे. 

फाफ डु प्लेसिसचे अर्धशतक - 

विराट कोहली आणि फाफ डु प्लेसिस यांनी वादळी खेळी केली. विराट कोहलीनंतर फाफ डु प्लेसिस यानेही अर्धशतकी खेळी केली. आरसीबीचा कर्णधार फाफ डु प्लेसिस याने अवघ्या 35 चेंडूत अर्धशतक झळकावले. विराट कोहली फलंदाजी करत असताना फाफ डु प्लेसिस दुसऱ्या बाजूला संयमी फलंदाजी करत होता. विराट कोहली बाद झाल्यानंतर फाफ डु प्लेसिस याने चौकार आणि षटकारांचा पाऊस पाडला. फाफ डु प्लेसिस याने एक षटकार तर 115 मीटर लांब मारला. फाफचा षटकार पाहून मॅक्सवेलही आश्चर्यचकीत झाला होता.