DC vs LSG Match 3 Prediction : आज इंडियन प्रीमियर लीग 2023 (Indian Premier League) मधील दुसरा दुसरा डबल हेडर सामना दिल्ली कॅपिटल्स (Delhi Capitals) आणि लखनौ सुपर जायंट्स (Lucknow Super Giants) यांच्यात रंगणार आहे. हा सामना 1 एप्रिल रोजी लखनौमधील स्टेडिअमवर संध्याकाळी 7.30 वाजता रंगणार आहे. हा सामना रोमांचक होण्याची शक्यता आहे. दिल्ली आणि लखनौ या दोन्ही संघाचा यंदाच्या हंगामातील आज पहिला सामना आहे. दोन्ही संघ आयपीएल 2023 ची विजयी सुरुवात करण्याचं लक्ष्य बाळगून मैदानात उतरतील. हा आयपीएलच्या यंदाच्या सीझनमधील तिसरा सामना आहे. खेळपट्टी आणि प्लेईंग 11 बद्दल जाणून घ्या...
IPL 2023 DC vs LSG : दिल्ली आणि लखनौ यांच्यात रणसंग्राम
आज लखनौच्या घरच्या मैदानावर दिल्ली कॅपिटल्स आणि लखनौ सुपर जायंट्स यांच्यात रणसंग्राम पाहायला मिळणार आहे. लखनौ संघाचा हा दुसरा आयपीएल सीझन आहे. 2022 च्या आयपीएलमध्ये लखनौ संघाने पदार्पण केलं.
DC vs LSG, Pitch Report : खेळपट्टीचा अहवाल
लखनौ आणि दिल्ली यांच्यातील हा सामना भारतरत्न अटल बिहारी वाजपेयी इकाना स्टेडियमवर होणार आहे. टी 20 च्या दृष्टीने येथील खेळपट्टी खूपच संतुलित आहे. खेळपट्टी फलंदाजांबरोबरच गोलंदाजांसाठीही उपयुक्त आहे. येथे खेळल्या गेलेल्या एकूण सहा टी 20 आंतरराष्ट्रीय सामन्यांमध्ये पहिल्यांदा फलंदाजी करणाऱ्या संघाने पाच वेळा विजय मिळवला आहे. अशा स्थितीत नाणेफेक जिंकणं महत्त्वाचं ठरू शकतं. तसेच, पहिल्यांदा फलंदाजी करताना सरासरी 151 धावा होतात. या खेळपट्टीवर फिरकीपटू वर्चस्व गाजवू शकतात.
DC vs LSG, Head to Head : लखनौ सुपर जायंट्स विरुद्ध दिल्ली कॅपिटल्स
आयपीएलमध्ये लखनौ आणि दिल्ली यांच्यात आतापर्यंत एकूण 2 सामने झाले असून दोन्ही सामन्यांमध्ये लखनौ सुपर जायंट्सने विजय मिळवला आहे. लखनौविरुद्ध खेळल्या गेलेल्या पहिल्या सामन्यात दिल्लीला 6 धावांनी, तर दुसऱ्या सामन्यात 6 गडी राखून पराभव स्वीकारावा लागला होता.
DC vs LSG, Playing 11 : संभाव्य प्लेईंग 11
LSG Playing 11 : लखनौ सुपर जायंट्स प्लेइंग 11
डेविड वॉर्नर (कर्णधार), पृथ्वी शॉ, रिली रोसो, रोवमन पॉवेल, मिचेल मार्श, सरफराज खान (विकेटकीपर), अक्षर पटेल, ललित यादव, मुकेश कुमार, कुलदीप यादव, चेतन सकारिया
DC Playing 11 : दिल्ली कॅपिटल्स प्लेइंग 11
केएल राहुल (कर्णधार), निकोलस पूरन (विकेटकीपर), आयुष बडोनी, दीपक हुड्डा, मार्कस स्टॉयनिस, क्रृणाल पांड्या, रोमारियो शेफर्ड, रवी बिश्नोई, मार्क वूड, आवेश खान, जयदेव उनादकट.
लाईव्ह सामना कुठे पाहाल?
स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण केले जाईल. या सामन्याचे लाइव्ह स्ट्रीमिंग 'Jio Cinema' अॅपवर उपलब्ध असेल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.
महत्त्वाच्या इतर बातम्या :