KKR vs PBKS Match Prediction : आज आयपीएल 2023 (IPL 2023) मधील दुसरा सामना पंजाब किंग्स (Punjab Kings) आणि कोलकाता नाईट रायडर्स (Kolkata Knight Riders) यांच्यात पाहायला मिळणार आहे. दुपारी 3.30 वाजता मोहालीतील पंजाब असोसिएशनच्या स्टेडिअमवर हा सामना खेळवला जाणार आहे. दोन्ही संघ नव्या कर्णधाराच्या नेतृत्वात मैदानावर उतरणार आहे. श्रेयस अय्यरच्या दुखापतीमुळे त्याचा अनुपस्थितीत कोलकाता नाईट रायडर्स संघाची कमान नितीश राणावर असेल. तसेच पंजाब किंग्स शिखर धवनच्या नेतृत्वात मैदानावर उतरणार आहे.


IPL 2023, PBKS vs KKR : पंजाब संघाची स्थिती


आयपीएल 2023 मध्ये मयंक अग्रवालच्या जागी यंदा शिखर धवनकडे पंजाब किंग्सचं कर्णधारपद आहे. शिखरच्या संघात अनेक दमदार खेळाडूंचा समावेश आहे. पंजाबच्या संघात भानुका राजपक्षे, सिकंदर रझा, सॅम करण आणि शाहरुख खानसारखे खेळाडू आहेत. हे सर्वजण चांगल्या फलंदाजीसाठी ओळखले जातात. त्यांच्याशिवाय अर्शदीप आणि नॅथन एलिस यांनी गोलंदाजीमुळे संघाकडून चाहत्यांना अपेक्षा आहेत. 


IPL 2023, PBKS vs KKR : कोलकाता संघाची स्थिती


कोलकातासाठी अडचण म्हणजे श्रेयस अय्यरच्या पाठीच्या दुखापतीमुळे तो सध्या या सामन्यातून बाहेर आहे. तसेच दुसरा दिग्गज फलंदाज जॉनी बेअरस्टो ही जॉनी बेअरस्टो दुखापतीमुळे सामन्यासाठी उपलब्ध नसल्याने तो आयपीएल 2023 च्या संपूर्ण हंगामातून बाहेर पडला आहे. जॉनी बेअरस्टोच्या जागी पंजाबने 27 वर्षीय ऑस्ट्रेलियन खेळाडू मॅथ्यू शॉर्टचा समावेश करण्यात आला आहे. टॉप ऑर्डरमध्ये फलंदाजीसोबतच तो ऑफ-स्पिन गोलंदाजीही करतो.


कशी आहे खेळपट्टी?


मोहालीची खेळपट्टी फलंदाजीसाठी अनुकूल मानली जात आहे. येथील मैदान लहान असल्यामुळे येथे जास्त चौकार-षटकार मारले जातात. येथे झालेल्या सहा टी-20 आंतरराष्ट्रीय सामन्यांमध्ये चा वेळा 200 हून अधिक धावसंख्या करण्यात आली होती. या मैदानावर नंतर फलंदाजी करणाऱ्या संघाला फायदा झाला. 


संभाव्य प्लेईंग 11


कोलकाता नाईट रायडर्स : 


रहमानउल्ला गुरबाज (विकेटकीपर), जगदीशन, नितीश राणा (कर्णधार), व्यंकटेश अय्यर, आंद्रे रसेल, रिंकू सिंह, शार्दुल ठाकूर, सुनील नरेन, टिम साऊदी, उमेश यादव, वरुण चक्रवर्ती.


पंजाब किंग्ज : 


शिखर धवन (कर्णधार), प्रभसिमरन सिंह, भानुका राजपक्षे, लियाम लिव्हिंगस्टोन, शाहरुख खान, जितेश शर्मा, ऋषी धवन, सॅम कुरान, कागिसो रबाडा, अर्शदीप सिंग, राहुल चहर.


लाईव्ह सामना कुठे पाहाल?


स्टार स्पोर्ट्स नेटवर्कच्या विविध वाहिन्यांवर या सामन्याचे थेट प्रक्षेपण केले जाईल. या सामन्याचे लाइव्ह स्ट्रीमिंग 'Jio Cinema' अॅपवर उपलब्ध असेल. तसेच एबीपी माझाच्या वेबसाईटवरही तुम्हाला सामन्याचे वेळोवेळीचे अपडेट्स उपलब्ध असतील.


महत्त्वाच्या इतर बातम्या :


PBKS vs KKR Match Preview : कोलकाता विरुद्ध पंजाब मुकाबला, कोणाचं पारडं जड?