IPL 2023, Mohammed Siraj : विराट कोहली आणि गौतम गंभीर यांच्यातील वादाची चर्चा अद्याप सुरुच आहे. अशातच आता आरसीबीचा मोहम्मद सिराज आणि दिल्लीच्या खेळाडूमध्ये बाचाबाची झाली आहे. मोहम्मद सिराज दिल्लीच्या सलामी फलंदाजासोबत भिडल्याचे दिसेतय. वाद नेमका कशामुळे सुरु झाला हे अद्याप समजले नाही. पण मोहम्मद सिराज फिलिप साल्ट आणि डेविड वॉर्नरसोबत बाचाबाची करताना दिसला. पंचांनी मध्यस्थी करत हा वाद सोडवला.
पाचव्या षटकात मोहम्मद सिराज याने एक बाऊन्सर फेकला. त्यावेळी साल्ट आणि सिराज यांच्यात बाचाबाची झाली. त्यानंतर डेविड वार्नर आणि सिराज यांच्यातही काहीतरी बचाबाची झाली. सिराज आणि या खेळाडूमध्ये काय बोलणे झाले.. हे समजले नाही.. पण देहबोलीवरुन शाब्दिक चकमक झाल्याचे दिसतेय. सिराज बोलताना खूपच अॅग्रेसिव्ह दिसत होता. सिराज्या या वर्तनानंतर सोशल मीडियावर त्याला ट्रोल करण्यात येत आहे. सोशल मीडियावर सिराजसोबत विराट कोहलीलाही ट्रोल करण्यात येत आहे. सिराजने काही कारण नसताना वाद घातलाय.. असे नेटकरी म्हणत आहे. दरम्यान, सिराज याला पावरप्लेमध्ये आज एकही विकेट मिळाली नाही. साल्ट आणि वॉर्नर यांनी सिराजच्या गोलंदाजीवर चौकार आणि षटकारांचा पाऊस पाडला. सिराजने पहिल्या दोन षटकात २८ धावा खर्च केल्या. सिराज आणि साल्ट यांच्यातील वादावर नेटकरी काय म्हणालेत पाहूयात...
आरसीबीने दिलेल्या १८२ धावांच्या आव्हानाचा पाठलाग करताना दिल्लीने दमदार सुरुवात केली. वॉर्नर आणि फिलिप साल्ट यांनी वादळी फलंदाजी केली. साल्ट याने आरसीबीच्या गोलंदाजांचा समाचार घेतला. साल्टच्या वादळी खेळीच्या बळावर दिल्लीने दहा षटकात ११० धावांचा डोंगर उभारला. डेविड वॉर्नर याने २२ तर मिचेल मार्श याने २६ धावांचे योगदान दिलेय. साल्ट ३२ चेंडूत ६४ धावांर खेळत आहे.