DC vs PBKS : यंदाच्या आयपीएलमधील (IPL 2022) 31 व्या सामन्यात दिल्ली कॅपिटल्स आणि पंजाब किंग्स (DC vs PBKS) हे दोन्ही संघ आमने-सामने असणार असणार आहेत. आजचा सामना आधी पुण्यातील एमसीए मैदानात पार पडणार होता. पण दिल्ली संघात कोरोनाचे रुग्ण आढळल्याने संघाचा लांबचा प्रवास टाळण्यासाठी सामने मुंबईत घेण्याचा निर्णय़ घेण्यात आला. त्यामुळे सामना आता मुंबईतील ब्रेबॉर्न स्टेडियमवर खेळवला जाणार आहे. आजचा सामना सायंकाळच्या सुमारास होणार असल्याने दुसऱ्यांदा गोलंदाजी करणाऱ्या संघाला दवाची अडचण येऊ शकते, त्यामुळे नाणेफेक जिंकणारा सामना प्रथम गोलंदाजी करण्याचा निर्णय घेईल.

Continues below advertisement

दिल्ली विरुद्ध पंजाब Head to Head

आयपीएलमध्ये आजवर दिल्ली कॅपिटल्स आणि पंजाब किंग्स तब्बल 28 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता पंजाबचं पारडं काहीसं जड राहिलं आहे. त्यांनी 15 सामन्यात विजय मिळवला आहे. तर दिल्लीने 13 सामने जिंकण्यात यश मिळवलं आहे. यंदाच्या गुणतालिकेचा विचार करता हे दोन्ही संघ अनुक्रमे आठव्या आणि सातव्या स्थानावर आहेत. दिल्लीने 5 पैकी 2 सामने जिंकले असून पंजाबने 6 पैकी 3 सामने जिंकले आहेत. दिल्ली एका विजयाने पंजाबच्या मागे असली तरी रनरेटच्या बाबतीत दिल्लीचा संघ पुढे आहे.

Continues below advertisement

आजच्या सामन्यात अशी असू शकते संभाव्य अंतिम 11  

दिल्ली - ऋषभ पंत (कॅप्टन), डेव्हिड वॉर्नर, पृथ्वी शॉ, सरफराज खान, ललित यादव, अक्षर पटेल, शार्दुल ठाकूर, कुलदीप यादव, मुस्तफिझूर रहमान, अॅनरिक नोरखिया.

पंजाब - मयांक अगरवाल (कर्णधार), शिखर धवन, लियाम लिव्हिंगस्टोन, जितेश शर्मा (विकेटकीपर), शाहरुख खान, ओडियन स्मिथ, वैभव अरोरा, अर्शदीप सिंग, हरप्रीत ब्रार, संदीप शर्मा, राहुल चाहर

हे देखील वाचा-