CSK vs RCB : यंदाच्या आयपीएलमधील (IPL 2022) आजच्या 49 व्या सामन्यात चेन्नई सुपरकिंग्स आणि रॉयल चँलेजर्स बंगळुरु (CSK vs RCB) हे दोन्ही संघ आमने-सामने असणार आहेत. आजचा हा सामना पुण्याच्या एमसीए मैदानात पार पडणार आहे. दोन्ही संघामध्ये दमदार आणि दिग्गज खेळाडू असल्याने आजचा सामना चुरशीचा होण्याची दाट शक्यता आहे.


गुणतालिकेचा विचार करता बंगळुरुचा संघ 10 पैकी पाच सामने जिंकत 10 गुण खिशात घेऊन पाचव्या स्थानावर आहे. तर चेन्नईचा संघ मात्र संघ 9  पैकी 6 सामने गमावल्याने सहा गुणांसह नवव्या स्थानावर आहे. बंगळुरुचा फॉर्म चांगला असला तरी चेन्नई देखील पुन्हा फॉर्ममध्ये परतली असून धोनी पुन्हा कर्णधार झाल्याने आजचा सामनाही रंगतदार होऊ शकतो, या सामन्यापूर्वी दोन्ही संघाच्या आजवरच्या इतिहासावर एक नजर फिरवूया...


चेन्नई विरुद्ध बंगळुरु Head to Head


आयपीएलमध्ये आजवर चेन्नई सुपरकिंग्स आणि रॉयल चँलेजर्स बंगळुरु (CSK vs RCB) हे संघ तब्बल 29 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता चेन्नईचं पारडं जड राहिलं आहे. त्यांनी 19 सामन्यात विजय मिळवला आहे. तर बंगळुरुने  9 सामने जिंकण्यात यश मिळवलं आहे. याशिवाय एक सामना अनिर्णीत राहिला आहे.  


आजच्या सामन्यात अशी असू शकते संभाव्य अंतिम 11  


चेन्नई - रॉबिन उथप्पा, ऋतुराज गायकवाड, मोईन अली, अंबाती रायडू, शिवम दुबे, रविन्द्र जडेजा, एमएस धोनी (कर्णधार आणि विकेटकीपर), ड्वेन प्रीटोरियस, ड्वेन ब्रॉवो, महेश चौधरी, महेश तीक्ष्णा


बंगळुरु - फाफ डू प्लेसिस (कर्णधार), विराट कोहली, रजत पाटीदार, ग्लेन मॅक्सवेल, दिनेश कार्तिक (विकेटकिपर), शाहबाज अहमद, महिपाल लोमरोर, वानिंदू हसरंगा, हर्षल पटेल, मोहम्मद सिराज, जोश हेझलवूड.


हे देखील वाचा-