KKR vs DC, Pitch Report : आयपीएलमध्ये सध्या गुणतालिकेत अव्वल स्थानावर असणाऱ्या कोलकाता नाईट रायडर्स संघाचा सामना दिल्ली कॅपिटल्सशी होणार आहे. आजचा सामना जिंकून आपलं अव्वल स्थान कायम ठेवण्याची संधी कोलकात्याकडे आहे. तर तीन पैकी दोन सामने गमावलेल्या दिल्लीला आजचा सामना जिंकून गुणतालिकेत वर चढण्याची संधी आहे.

  


दिल्लीच्या संघाला पृथ्वी शॉ आणि सलामीवीर डेव्हिड वॉर्नर यांच्याकडून दमदार सुरुवातीची आशा असेल कारण त्यांच्या मधल्या फळीने अद्याप काहीही आश्चर्यकारक केले नाही. शॉने लखनौच्या संघाविरुद्ध ३४ चेंडूत ६१ धावा केल्या. या सामन्यापूर्वी KKR च्या संघाचे मनोबल खूप आहे, ज्याने गेल्या सामन्यात मुंबई इंडियन्सचा पराभव केला होता ज्यात पॅट कमिन्सने 15 चेंडूत 56 धावा केल्या होत्या.


कसा आहे पिच रिपोर्ट?


आजचा सामना पार पडणाऱ्या ब्रेबॉर्न स्टेडियमवर सायंकाळी पार पडणाऱ्या सामन्यांमध्ये मोठ्या प्रमाणात दव पडत असल्याने या ठिकाणी खेळणं अडचणीचं होतं. पण आजचा सामना दुपारी असल्याने दवामुळे अधिक अडचण होणार नाही. यंदाच्या स्पर्धेतील ब्रेबॉर्न मैदानावर दुपारी पार पडणारा हा दुसराच सामना असणार आहे. विशेष म्हणजे दिल्लीने मिळवलेला यंदाचा एकमेव विजय याच ठिकाणी मिळवल्याने आज त्यांना विजय मिळवण्याची सुवर्णसंधी असेल.  


कोलकाता विरुद्ध दिल्ली अशी असेल ड्रीम 11 (KKR vs DC Best Dream 11)


विकेटकीपर- ऋषभ पंत


फलंदाज- डेव्हिड वॉर्नर, पृथ्वी शॉ, अजिंक्य रहाणे, श्रेयस अय्यर


ऑलराउंडर- व्यंकटेश अय्यर, आंद्रे रसेल, शार्दुल ठाकूर


गोलंदाज- पॅट कमिन्स, कुलदीप यादव, वरुण चक्रवर्ती. 


महत्त्वाच्या इतर बातम्या :



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha