Shreyas Iyer : टीम इंडियाच्या दिवाळी सेलिब्रेशनदरम्यान काही फोटोंनी सर्वांचे लक्ष वेधून घेतले. हा फोटो श्रेयससोबत दिसलेल्या मैत्रिणीसोबतचा होता. श्रेयस या मिस्ट्री गर्लसोबत भारतीय संघाच्या दिवाळी सेलिब्रेशनमध्ये सहभागी झाला होता. या कार्यक्रमातील अनेक छायाचित्रे आणि व्हिडिओंमध्ये तो या मिस्ट्री गर्लसोबत दिसत होता. तेव्हापासून श्रेयस सिंगल नसल्याची चर्चा सुरू झाली होती.
श्रेयस सध्या ज्या व्यक्तीसोबत वेळ घालवत आहे तिचे नाव त्रिशा कुलकर्णी असल्याचे सांगण्यात येत आहे. श्रेयसशी संबंधित लोकांचे सोशल मीडिया अकाउंट सर्च केल्यानंतर ही माहिती मिळते. श्रेयस आणि त्रिशाचे काही जुने फोटोही सापडले. एका फोटोमध्ये हे जोडपे शार्दुल ठाकूर आणि त्याच्या पत्नीसोबत डिनर करताना दिसत आहे.
त्रिशा लाइमलाइटपासून दूर राहते. इंस्टाग्रामवर तिचं खातं प्रायव्हेट आहे. अशा परिस्थितीत त्यांच्याबद्दल फारशी माहिती मिळू शकली नाही पण हे कपल रिलेशनशिपमध्ये असल्याचे मानले जात आहे. श्रेयस अय्यर केवळ त्रिशाला फॉलो करत नाही तर अय्यरची बहीण श्रेष्ठही त्याला फॉलो करते.
अलीकडे त्रिशालाही स्टेडियममध्ये दिसली आहे. एका छायाचित्रात ती भारतीय कर्णधार रोहित शर्माची पत्नी रितिकासोबत बसलेली दिसत आहे. आता श्रेयस त्रिशाबाबत सुरू असलेल्या चर्चांना कधी पूर्णविराम देणार हे पाहायचे आहे.
इतर महत्वाच्या बातम्या