न्यूझीलंडच्या फलंदाजांना भारतीय गोलंदाजांनी एकापाठोपाठ एक तंबूत पाठवत, अख्खा डाव 190 धावांत गुंडाळला. त्यामुळं भारताला विजयासाठी 191 धावांचं माफक लक्ष्य मिळालं. विराट कोहलीच्या नाबाद 85 धावांच्या खेळीमुळं भारतानं त्या लक्ष्याचा यशस्वी पाठलाग केला.
त्याआधी भारतीय गोलंदाजांसमोर किवींची अक्षरश: दाणादाण उडाली. हार्दिक पंड्यानं तीन विकेट्स काढून आपलं वन डे पदार्पण दिमाखात साजरं केलं. तर अमित मिश्रानंही न्यूझीलंडच्या तीन फलंदाजांना माघारी धाडलं. उमेश यादव आणि केदार जाधवनं प्रत्येकी दोन विकेट्स काढल्या.
या सामन्यात विराट कोलहीने नाबाद 85, अजिंक्य राहणेने 33, कर्णधार महेंद्र सिंह धोनीने 21, मनिश पांडे 17, रोहित शर्मा 14 तर केदार जाधवने 10 धावा ठोकल्या. या सामन्यात भारतीय गोलंदाजांनी आपल्या गोलंदाजीनी चांगली कामगिरी केली.
न्यूझीलंडकडून टॉम लॅथम आणि टीम साऊदीने चांगली भागिदारी करुन न्यूझीलंडची धावसंख्या 190 वर नेली. या सामन्यात टॉम लॅथमने 79 तर टीम साऊदीने 55 धावा ठोकल्या. डग ब्रेसवेल, जेम्स नीशॅम, आणि इश सोधीने प्रत्येकी एक गडी बाद केला.