सलामीच्या लेंडल सिमन्सनं सलामीला येत 45 चेंडूत नाबाद 67 धावांची खेळी केली. त्यानं एविन लुईससह पहिल्या विकेटसाठी 73 धावांची भागीदारी रचून विंडीजच्या विजयाचा पाय रचला. लुईसनं 40 धावांचं योगदान दिलं. या विजयासह विंडीजनं तीन सामन्यांच्या मालिकेत 1-1 अशी बरोबरी साधली आहे.
त्याआधी मुंबईकर शिवम दुबेच्या दमदार अर्धशतकाच्या जोराव 20 षटकांत सात बाद 170 धावांची मजल मारली. या सामन्यात तिसऱ्या क्रमांकावर बढती मिळालेल्या दुबेनं मिळालेल्या संधीचा पुरेपूर फायदा उठवत 30 चेंडूत तीन चौकार आणि 4 षटकारांसह 54 धावांची खेळी उभारली. शिवम दुबेचं आंतरराष्ट्रीय ट्वेन्टी ट्वेन्टी कारकीर्दीतलं हे पहिलं अर्धशतक ठरलं. तर रिषभ पंतने 22 चेंडूत नाबाद 33 धावा फटकावल्या.