मोस्को (रशिया) : फिफा विश्वचषकातील ‘ग’ गटातील सामन्यात बेल्जियमने इंग्लंडचा 1-0 ने पराभव केला आहे. या पराभवामुळं इंग्लंडला ‘ग’ गटात दुसऱ्या स्थानावर समाधान मानावं लागलं. बेल्जियम आणि इंग्लंड याच दोन संघांनी ग गटातून बाद फेरीत धडक मारली.

कालिनग्राड स्टेडियमध्ये गुरूवारी रात्री हा सामना झाला. या सामन्यात दोन्ही संघांनी चांगला खेळ केला. पहिल्या हाफ मध्ये कोणत्याही टीमला गोल करता आला नाही. पहिला हाफ 0-0 असा गोलरहित राहिला.

दुसऱ्या हाफमध्य़े 51 व्या मिनिटाला बेल्जियमच्या अदनान जानुझाजने गोल केला. याच गोलवर बेल्जियमने इंग्लंडवर 1-0 ने मात केली. बेल्जियमचा हा सलग तिसरा विजय ठरला. बेल्जियमनं तीनपैकी तीन सामने जिंकून ‘ग’ गटावर निर्विवाद वर्चस्व राखलं.

बाद फेरीत इंग्लंडचा सामना कोलंबियाशी 3 जुलै रोजी होणार आहे. तर बेल्जियमचा संघ जपानविरोधात 2 जुलैला एकमेकांशी लढणार आहेत.