आयसीसी क्रमवारीत अव्वल स्थानावर असलेल्या दक्षिण आफ्रिकेवर मिळवलेल्या या विजयानं इंग्लंडचं चॅम्पियन्स ट्रॉफीसाठी मनोबल उंचावलं आहे. या सामन्यात अॅलेक्स हेल्सनं 61, ज्यो रूटनं 37, इऑन मॉर्गननं 107, बेन स्टोक्सनं 25 आणि मोईन अलीनं नाबाद 77 धावांची खेळी करून इंग्लंडला 50 षटकांत सहा बाद 339 धावांची मजल मारून दिली होती.
दक्षिण आफ्रिकेच्या हाशिम अमला आणि फॅफ ड्यू प्लेसीनं दुसऱ्या विकेटसाठी 112 धावांची भागीदारी रचून 340 धावांच्या लक्ष्याचा पाठलाग करण्याची हिंमत दाखवली. पण त्यानंतर इंग्लंडच्या ख्रिस वोक्सनं चार, तर आदिल रशीद आणि मोईन अलीनं प्रत्येकी दोन फलंदाजांना माघारी धाडून दक्षिण आफ्रिकेला 267 धावांत गुंडाळलं.