हसीन जहांने क्रिकेटर मोहम्मद शमीवर फसवणूक, हत्येचा प्रयत्न, बलात्कारासह अनेक आरोप केले आहेत. हसीनने चार महिन्यांपूर्वी शमीविरोधात पोलिसात तक्रार दाखल केली होती. शिवाय शमीने दर महिना दहा लाख रुपये भत्ता द्यावा, अशी मागणीही हसीनने कोर्टात केली होती. हसीनने मॅच फिक्सिंगचाही आरोप केला होता. पण बीसीसीआयने त्याला क्लीन चिट दिली होती.
हसीन प्रोफेशनल मॉडेल होती आणि आयपीएलमधील कोलकाता नाईट राइडर्स संघाची चीअर लीडरही होती. पण 2014 मध्ये शमीसोबत लग्न केल्यानंतर तिने मॉडेलिंग सोडली. तर शमीला आपलं मॉडेलिंग आवडत नव्हतं. त्यामुळे मॉडेलिंग सोडल्याचा दावा हसीन जहांने केला होता. आता शमीपासून वेगळं झाल्यानंतर ती पुन्हा एकदा मॉडेलिंगद्वारे लोकप्रियता मिळवण्याचा प्रयत्न करत आहे.