Team India Victory Parade Heavy Rain : टी20 विश्वचषक विजेत्या टीम इंडियाची मुंबईमध्ये विजयी मिरवणूक निघणार आहे. सकाळी दिल्लीमध्ये टीम इंडियाने पंतप्रधान नरेंद्र मोदी यांची भेट घेतल्यानंतर सायंकाळी मुंबईत ओपन बसमधून विजयी मिरवणूक निघेल. त्यासाठी दुपारपासूनच चाहत्यांनी नरीम पॉईंटवर गर्दी केली. वानखेडे स्टेडियमही फूल्ल झालेय. चाहत्यांची गर्दी वाढत असतानाच मुंबईमध्ये पावसाने हजेरी लावली. धो धो पावसातही चाहत्यांचा उत्साह कायम होता. रस्त्यावर चाहते दुतर्फा थांबले होते. वानखेडेमध्ये छत्र्या उघडून चाहते बसले होते. जोरदार वाऱ्यासह जसा पाऊसही टीम इंडियाच्या विजयी मिरवणुकीत सहभागी झाला होता. चाहत्यांनीही या पावसात टीम इंडियाला उत्साहात सपोर्ट कऱण्यासाठी उभे राहिले होते. मरीन ड्राईव्ह चाहत्यांच्या रंगात नाहून निघाले होते. मुंबईकरांच्या स्पिरिटचे सोशल मीडियावर कौतुक होतेय. सोशल मीडियावर टीम इंडियाच्या स्वागातासाठी उभे असणाऱ्या चाहत्यांचा उत्साह दिसून येतोय.
टीम इंडियाच्या स्वागतासाठी मुंबई विमानतळामध्ये ब्रह्मा ढोल ताशा पथक दाखल झाला आहे. टीम इंडियाच्या खेळाडू जेव्हा विमानतळामधून बाहेर येतील, तेव्हा ढोल ताशाच्या गजरात खेळाडूंचा स्वागत केला जाणार आहे. कोणत्याही क्षणी टीम इंडिया मुंबईमध्ये दाखल होऊ शकते. मरीन ड्राईव्ह ते वानखडे स्टेडियमपर्यंत विजयी मिरवणूक निघणार आहे. रोहित आणि टीम इंडिया ओपन बसमधून चषकासोबत चाहत्याचे अभिवादन स्विकारणार आहे. मुंबईमध्ये मुसळधार पावसाने हजेरी लावली आहे. जोरदार वाऱ्यासह पाऊस कोसळत आहे. तरीही विजयी मिरवणूक होणार आहे. चाहत्यांचा जल्लोष वाढला आहे.
बीसीसीआय आणि मुंबई क्रिकेट असोसिएशनने वानखेडे स्टेडियममध्ये चाहत्यांना आज प्रवेश मोफत ठेवला आहे. मात्र यासाठी वेळेवर पोहोचण्याची अट होती. त्यामुळे दुपारपासूनच चाहत्यांनी वानखेडेवर गर्दी केली होती. चार वाजताच वानखेडे स्टेडियम चाहत्यांनी गजबजले होते. हजारो लोक स्टेडियमवर पोहोचले आहेत. आता स्टेडियम पूर्णपणे भरले असून दरवाजे बंद करण्यात आले आहेत.
टीम इंडियाची मुंबईतील विजयी रॅली टीव्ही-मोबाईलवर पाहता येणार
टीम इंडियाची मुंबईतील विजयी रॅली मोबाईलवर पाहता येणार आहे. स्टार स्पोर्ट्सवर सायंकाळी 4 वाजल्यापासून स्टार स्पोर्ट्स 1, हिंदी 1, 3 आणि त्यांच्या YouTube चॅनेलवर प्रसारित केली जाणार आहे. त्यामुळे जे चाहते मुंबईत पोहचू शकणार नाही, त्यांना आता टीव्ही आणि मोबाईलद्वारे या विजयी रॅलीचा आनंद घेता येणार आहे.