Rinku Singh Breaks Silence On Duleep Trophy : नुकत्याच जाहीर झालेल्या दुलीप ट्रॉफीसाठी संघांमध्ये भारतीय क्रिकेट संघाचा स्फोटक फलंदाज रिंकू सिंगचा समावेश करण्यात आलेला नाही. तर केएल राहुल, ऋषभ पंत, शुभमन गिल, श्रेयस अय्यर आणि सूर्यकुमार यादव या खेळाडूंची या स्पर्धेत खेळण्यासाठी निवड करण्यात आली आहे. रिंकू सिंगची निवड न झाल्याने क्रिकेट चाहते निराश दिसत आहेत. दुलीप ट्रॉफीमध्ये रिंकू सिंगला का खेळवले जात नाही हे लोकांना जाणून घ्यायचे होते. आता या दिग्गज खेळाडूनेच त्याच्या गैर-निवडीवर मौन तोडले असून त्याची निवड का झाली नाही हे सांगितले आहे.
टी-20 वर्ल्ड कप संघातही मिळाले नव्हते स्थान
रिंकू सिंगने टी-20 क्रिकेटमध्ये स्वतःची वेगळी ओळख निर्माण केली आहे. स्फोटक फलंदाज म्हणून प्रसिद्धी मिळवणाऱ्या रिंकू सिंगची टी-20 वर्ल्ड कप 2024च्या संघात निवड निश्चित मानली जात होती. पण, संघ जाहीर झाल्यावर त्याला राखीव खेळाडू म्हणून जागा मिळाली. बीसीसीआयच्या या निर्णयावर रिंकू सिंगचे चाहते संतापलेले दिसले.
दुलीप ट्रॉफीमध्येही दुर्लक्ष
पण अलीकडेच बीसीसीआयने दुलीप ट्रॉफीसाठी संघ जाहीर केला आहे. दुलीप ट्रॉफीसाठी जाहीर करण्यात आलेल्या 4 संघांमध्ये टीम इंडियाच्या अनेक स्टार खेळाडूंचा समावेश करण्यात आला आहे. ज्यामध्ये केएल राहुल, ऋषभ पंत, शुभमन गिल, श्रेयस अय्यर, रवींद्र जडेजा आणि सूर्यकुमार यादवसारखे दिग्गज खेळाडूही आहेत. मात्र, रिंकू सिंगची या स्पर्धेत निवड न झाल्याने त्याच्या चाहत्यांची पुन्हा निराशा झाली.
काय म्हणाली रिंकू सिंग?
रिंकू सिंगने स्पोर्ट्स तकशी बोलताना दुलीप ट्रॉफीसाठी आपली निवड का झाली नाही याचा खुलासा केला. रिंकू सिंगने सांगितले की, माझी कसोटी सामन्यात कामगिरी इतकी काही चांगली राहिली नाही. यासोबत मी बरेच रणजी सामनेही खेळलो नाहीत, त्यामुळेच या स्पर्धेसाठी कोणत्याही संघात निवड झालेली नाही. पण येत्या सामन्यांमध्ये संघात निवड होईल, अशी आशा आहे.
रिंकू सिंग IPL 2025 मध्ये कोणत्या संघाकडून खेळणार?
रिंकू सिंग आयपीएलमध्ये कोलकाता नाईट रायडर्सकडून खेळतो. तो संघाचा स्टार खेळाडू आहे, त्यामुळे आयपीएल 2025 च्या मेगा लिलावापूर्वी फ्रँचायझी त्याला कायम ठेवू शकते. पण, केकेआरने त्याच्याशी वेगळे होण्याचा निर्णय घेतल्यास त्याला कोणत्या संघासोबत खेळायला आवडेल असे विचारण्यात आले. याला प्रत्युत्तर म्हणून रिंकू सिंगने रॉयल चॅलेंजर्स बंगळुरूचे नाव घेतले. त्यामागचे कारणही त्याने सांगितले की, खरंतर विराट कोहली त्या संघात आहे, त्यामुळे त्याला त्याच संघात सामील व्हायला आवडेल.