Irfan Pathan on Abhishek Sharma : भारतीय टी-20 संघातील स्टार फलंदाज अभिषेक शर्मावर टीम इंडियाचा माजी वेगवान गोलंदाज इरफान पठाण चांगलाच संतापला. इरफान पठाण याने अभिषेकच्या फलंदाजीतील सर्वात मोठी कमजोरी उघड करत सांगितले की, जर त्यांनी हा पॅटर्न असाच सुरू ठेवला, तर प्रतिस्पर्धी संघ त्याला सहज ओळखून बाद करण्यात यशस्वी होतील.
इरफान पठाणने पकडली अभिषेक शर्माची कमजोरी
इरफान पठाण याने त्याच्या यूट्यूब चॅनलवर बोलताना सांगितले की, “अभिषेक सध्या तुफानी कामगिरी करत आहे. त्याचा आत्मविश्वासही कमालीचा आहे आणि तो टी-20 च्या गतीने शॉट्स खेळतो. मात्र, हे सर्व द्विपक्षीय मालिकांपुरतेच ठीक आहे. जेव्हा वर्ल्ड कपसारख्या मोठ्या स्पर्धेत विविध देशांच्या संघांचा सामना करावा लागतो, तेव्हा ते संघ पूर्ण तयारीनिशी उतरतात. अशा वेळी अभिषेक जर प्रत्येक चेंडूवर पुढे येऊन मारण्याचा प्रयत्न करत राहिला, तर प्रतिस्पर्धी संघ त्याला ओळखून सहज आऊट करू शकतील.”
इरफान पुढे म्हणाला की, “अभिषेकने आपल्या फलंदाजीत ‘पिक अँड चूज’ ही पद्धत अवलंबायला हवी. म्हणजेच कधी कोणत्या गोलंदाजाला खेळायचे आणि कधी संयमाने खेळायचे, हे समजून घेणे गरजेचे आहे. सतत स्टेप आउट करून फटकेबाजी करण्याची सवय त्याला मोठ्या संघांविरुद्ध अडचणीत टाकू शकते.”
इरफान पठाण याने पुढे सांगितले की, “मला खात्री आहे की अभिषेकचा प्रशिक्षक आणि मार्गदर्शक युवराज सिंग तसेच भारतीय संघ व्यवस्थापन त्याच्या या कमजोरीवर काम करत आहेत. आणि जर गरज पडली तर मी स्वतः युवराज सिंगशी बोलतो. अभिषेक शर्मा हा जबरदस्त खेळाडू आहे, पण त्याने या सतत स्टेप आउट करण्याच्या सवयीवर थोडे लक्ष द्यायला हवे.”
टी 20 वर्ल्ड कपचं आयोजन 7 फेब्रुवारी ते 8 मार्च दरम्यान होणार आहे. मात्र , आयसीसीकडून अधिकृत वेळापत्रक जारी करण्यात आलेलं नाही. दरम्यान, हर्षा भोगले यांनी टी 20 वर्ल्ड कपसाठी भारताचा संभाव्य संघ निवडला आहे..
हर्षा भोगलेंनी निवडलेली टीम इंडिया
सूर्यकुमार यादव - कर्णधार, अभिषेक शर्मा, शुभमन गिल - उपकर्णधार, तिलक वर्मा, संजू सॅमसन (विकेटकीपर), जितेश शर्मा (विकेट कीपर), रिंकु सिंग, हार्दिक पांड्या, अक्षर पटेल, शिवम दुबे, वॉशिंग्टन सुंदर, कुलदीप यादव, वरुण चक्रवर्ती, अर्शदीप सिंग, जसप्रीत बुमराह.
हे ही वाचा -