Shahid Afridi On Irfan Pathan : क्रिकेटच्या मैदानावर भारत-पाकिस्तानची शत्रुता नवी नाही, पण यावेळी मैदानाबाहेर दोन माजी खेळाडूंमध्ये जोरदार शाब्दिक युद्ध सुरू आहे. काही महिन्यांपूर्वी इरफान पठानने एका मुलाखतीत 2006 च्या पाकिस्तान दौऱ्याचा एक मजेदार किस्सा सांगितला होता. त्यातील ‘डॉग मीट’ या वक्तव्यावरून पाकिस्तानचा माजी कर्णधार शाहिद आफ्रिदी संतापला असून त्याने पठानवर थेट वार केला आहे. पण, नेमकं प्रकरण काय आहे, हे समजून घेऊया....
इरफान पठानचा किस्सा
इरफान पठाननं एका मुलाखतीत सांगितलं होतं की, कराचीहून लाहोरला जाताना विमानप्रवासादरम्यान शाहिद अफरीदीनं त्याच्या डोक्यावरून हात फिरवला होता, आणि "कसा आहेस बाळा?" असे विचारले. मात्र इरफानला ही गोष्ट फारशी आवडली नाही. मग त्याने बाजूला बसलेल्या अब्दुल रज्जाककडे पाहत विनोदाने विचारलं, "इथे कसलं मटण मिळतं?" आणि आफ्रिदीकडे बोट दाखवत टोमणा मारला, "यांनी बहुतेक डॉग मीट खाल्लंय, म्हणून इतका वेळ भुंकतोय."
आफ्रिदीचा पलटवार
या घटनेवर पहिल्यांदाच प्रतिक्रिया देताना शाहिद आफ्रिदीनं पाकिस्तानी 'समा टीव्ही'वर पठानला खोटारडा ठरवलं. आफ्रिदी म्हणाला की, "अब्दुल रझाकनेही अशा कोणत्याही संभाषणाचा इन्कार केला. मी त्याला मर्द समजतो जो माझ्या समोर उभा राहून बोलेल. मागे मागे बोलत राहणाऱ्याला मी काय उत्तर द्यायचं?"
त्याने पुढे इरफानवर चिमटा काढत म्हटलं, "त्याला असं दाखवायचंय की तो किती महान भारतीय आहे आणि मी पाकिस्तान्यांच्या विरोधात किती आहे. पण त्याचं बिचारं आयुष्यभर हेच सिद्ध करण्यात जाणार आहे की तो किती महान भारतीय आहे."
पठानच्या गोलंदाजीवर चपराक
यावरच थांबता न राहता अफरीदीनं इरफानच्या खेळावरही तिखट भाष्य केलं. तो म्हणाला, "इरफानला संधी मिळाली ती फक्त त्यामुळे की त्या काळात भारताकडे दर्जेदार वेगवान गोलंदाज नव्हते. 120-125 किमी वेगानं टाकणारे गोलंदाज देखील त्यावेळी टीममध्ये खेळायचे."
हे ही वाचा -