दुसऱ्या दिवसाचा खेळ संपला; भारत 3 बाद 145 धावांवर, अजून 242 धावांचे आव्हान बाकी

11/07/2025 23:12:58

दुसऱ्या दिवसाचा खेळ संपला; भारत 3 बाद 145 धावांवर, अजून 242 धावांचे आव्हान बाकी

लॉर्ड्स क्रिकेट ग्राउंडवर खेळल्या जाणाऱ्या तिसऱ्या कसोटी सामन्यात भारताने 43 षटकांत 3 विकेट गमावून 145 धावा केल्या आहेत. दुसऱ्या दिवशी भारताने यशस्वी जैस्वाल, करुण नायर आणि शुभमन गिल यांचे बळी गमावले. भारताकडून सर्वाधिक धावा केएल राहुलने केल्या आहेत. दिवसाच्या खेळाच्या शेवटी केएल राहुल 53 धावांसह आणि ऋषभ पंत 19 धावांसह खेळत आहेत. भारत 242 धावांनी पिछाडीवर आहे.

11/07/2025 22:51:19

भारताला तिसरा धक्का! शुभमन गिल OUT

क्रिस वोक्सने शुभमन गिलला बाद करून भारताला तिसरा धक्का दिला आहे. शेवटच्या कसोटीत द्विशतक आणि शतक करणारा कर्णधार गिल तिसऱ्या कसोटी सामन्याच्या पहिल्या डावात चांगली कामगिरी करू शकला नाही आणि 16 धावा करून बाद झाला. भारतासाठी दिलासा म्हणजे यष्टिरक्षक फलंदाज ऋषभ पंत फलंदाजीसाठी आला आहे.

11/07/2025 20:19:00

एक विकेट पडली, पण राहुल-करुण ठाम; 'टी ब्रेक'पर्यंत टीम इंडियाचा स्कोअर 50 च्या उंबरठ्यावर

पहिल्या डावात भारताने एक विकेट गमावली. जोफ्रा आर्चरने यशस्वी जैस्वालची विकेट घेतली. तो फक्त 13 धावा करू शकला. आता केएल राहुल आणि करुण नायर क्रीजवर आहेत. चहापानाच्या वेळेपर्यंत भारताने एका विकेटच्या मोबदल्यात 44 धावा केल्या आहेत.

11/07/2025 19:28:24

जोफ्रा आर्चरने दिला भारताला पहिला धक्का! यशस्वी जैस्वाल OUT, जाणून घ्या प्रत्येक क्षणाचे अपडेट

भारताला पहिला धक्का जोफ्रा आर्चरने दिला. त्याने यशस्वी जैस्वालला हॅरी ब्रुकने झेलबाद केले. तो आठ चेंडूत फक्त 13 धावा करू शकला. आता करुण नायर केएल राहुलला साथ देण्यासाठी आला आहे.

11/07/2025 19:05:18

बुमराहचा पंजा! इंग्लंडचा पहिला डाव 387 धावांवर आटोपला, रूटचे शतक अन् स्मिथ-कारचे अर्धशतक

इंग्लंडचा पहिला डाव 387 धावांवर आटोपला आहे. जसप्रीत बुमराहने दुसऱ्या दिवशी चार विकेट घेतल्या. सामन्याच्या पहिल्या दिवशीही त्याने एक विकेट घेतली होती. यासह बुमराहने लॉर्ड्सवर पाच विकेट घेतल्या. मोहम्मद सिराज आणि नितीश रेड्डी यांनीही दोन विकेट घेतल्या. रवींद्र जडेजाला एक विकेट मिळाली. इंग्लंडकडून जो रूटने शतक आणि स्मिथ-कारने अर्धशतक ठोकले.

11/07/2025 17:45:54

बुमराहने इंग्लंडला दिले 3 मोठे धक्के, रूटने शतक तर स्मिथने अर्धशतक; कॅच सोडणे पडले महागात, पहिल्या सत्रात काय घडलं?

दुसऱ्या दिवशी इंग्लंडची सुरुवात खराब झाली. जसप्रीत बुमराहने तीन विकेट्स घेतल्या. त्याने पहिल्या सत्रात बेन स्टोक्स (44), जो रूट (104) आणि ख्रिस वोक्स (0) यांचे विकेट घेतले. त्यानंतर जेमी स्मिथ आणि ब्रायडन कार्स यांनी संघाची धुरा सांभाळली. दोघांनी आठव्या विकेटसाठी 106 चेंडूत 82 धावांची भागीदारी केली आहे. दोघेही अनुक्रमे 51 आणि 33 धावा करून खेळत आहेत. दुपारच्या जेवणापर्यंत इंग्लंडने सात विकेट्सवर 353 धावा केल्या आहेत.

11/07/2025 17:12:07

दिसऱ्या दिवशी अर्ध्या तासात इंग्लंडला दिले 3 मोठे धक्के

बुमराहने इंग्लंडला सातवा धक्का दिला. त्याने ख्रिस वोक्सला आऊट. तो त्याचे खातेही उघडू शकला नाही.

11/07/2025 17:11:25

स्टोक्सनंतर जो रूटची केली दांडी गुल

बुमराने इंग्लंडला दिवसाच्या खेळातील दुसरा आणि एकूण सहावा धक्का दिला. त्याने जो रूटला बाद केले. तो 199 चेंडूत 10 चौकारांसह 104 धावा काढल्यानंतर पॅव्हेलियनमध्ये परतला. सध्या जेमी स्मिथ आणि ख्रिस वोक्स क्रीजवर आहेत.

11/07/2025 17:11:47

स्टोक्स OUT

बुमराने पहिल्या सत्रात भारताला यश मिळवून दिले. त्याने इंग्लंडचा कर्णधार बेन स्टोक्सला आऊट केले. 110 चेंडूत चार चौकारांसह 44 धावा काढल्यानंतर तो बाद झाला. स्टोक्स आणि रूटने पाचव्या विकेटसाठी 88 धावांची भागीदारी केली.

11/07/2025 15:37:03

दिसऱ्या दिवशी पहिल्याच चेंडूवर चौकार मारत जो रूटने ठोकले शतक, जाणून घ्या प्रत्येक क्षणाचे अपडेट

आज भारत आणि इंग्लंड यांच्यातील लॉर्ड्स कसोटीचा दुसरा दिवस आहे. दिसऱ्या दिवशी पहिल्याच चेंडूवर चौकार मारत जो रूटने शतक पूर्ण केले आहे.

Eng vs Ind 3rd Test Day-2 : दुसऱ्या दिवसाचा खेळ संपला; भारत 3 बाद 145 धावांवर, अजून 242 धावांचे आव्हान बाकी

Eng vs Ind 3rd Test Day-2 Live Update : भारत आणि इंग्लंड यांच्यातील कसोटी मालिकेतील तिसरा सामना 10 जुलै रोजी लॉर्ड्स येथे सुरू झाला आहे.

पार्श्वभूमी