IND vs AUS 1st Test Live Streaming: भारतीय क्रिकेट संघ (Team India) आणि ऑस्ट्रेलिया (Australia) संघ यांच्यात आजपासून बॉर्डर गावस्कर ट्रॉफी मालिकेला सुरुवात होणार आहे. यामालिकेत एकूण 4 कसोटी सामने खेळवले जाणार आहेत. वर्ल्ड टेस्ट चॅम्पियनशिपच्या फायनलमध्ये एन्ट्रीसाठी ही मालिका जिंकणं दोन्ही संघासाठी फार महत्त्वाचं आहे. त्यामुळे ही मालिकाही महत्त्वाची आहे. तसंच आजचा पहिला सामना जिंकणारा संघ मालिकेत आघाडी घेऊ शकणार असल्याने आजच्या या महत्त्वाच्या सामन्याची माहिती जाणून घेऊ...
कधी होणार सामना?
भारत विरुद्ध ऑस्ट्रेलिया हा पहिला कसोटी सामना (India vs Australia 1st Test) आज अर्थात, 9 फेब्रवारी रोजी होणार आहे. भारतीय वेळेनुसार सकाळी 9.30 वाजता सामना खेळवला जाईल. त्यापूर्वी अर्धातास आधी नाणेफेक होणार आहे.
कुठे आहे सामना?
भारत विरुद्ध ऑस्ट्रेलिया पहिला कसोटी सामना नागपुरच्या विदर्भ क्रिकेट असोसिएश क्रिकेट स्टेडियमवर (Nagpur Cricket Stadium) खेळवला जाणार आहे.
कुठे पाहता येणार सामना?
भारत विरुद्ध ऑस्ट्रेलिया कसोटी सामन्याचं लाईव्ह टेलिकास्ट स्टार स्पोर्ट्स नेटवर्कच्या विविध चॅनलवर होईल. तसेच हॉटस्टार अॅपद्वारे या सामन्याचं लाईव्ह स्ट्रिमिंग पाहता येऊ शकतं. याशिवाय https://marathi.abplive.com//amp येथेही तुम्हाला सामन्याचे अपडेट्स पाहता येतील.
भारतीय संघ
रोहित शर्मा (कर्णधार), केएल राहुल (उप कर्णधार), शुभमन गिल, चेतेश्वर पुजारा, विराट कोहली, श्रेयस अय्यर, केएस भरत (विकेटकिपर), इशान किशन (विकेटकिपर), आर अश्विन, अक्षर पटेल, कुलदीप यादव, रविंद्र जाडेजा, मोहम्मद सिराज, उमेश यादव. जयदेव उनाडकट, सूर्यकुमार यादव
भारत विरुद्ध ऑस्ट्रेलिया Head to Head
भारत आणि ऑस्ट्रेलिया या दोन्ही संघांमध्ये आतापर्यंत एकूण 120 कसोटी सामने खेळले गेले आहेत. यामध्ये भारतीय संघाने 30 सामने जिंकले आहेत, तर ऑस्ट्रेलियाने 43 सामने जिंकले आहेत. याशिवाय 28 सामने ड्रॉ झाले असून एक सामना बरोबरीत सुटला आहे.
ऑस्ट्रेलियाच्या भारत दौऱ्याचं वेळापत्रक (2023)
| सामना | तारीख | ठिकाण |
| पहिला कसोटी सामना | 9-13 फेब्रुवारी 2023 | नागपूर |
| दुसरा कसोटी सामना | 17-21 फेब्रुवारी 2023 | दिल्ली |
| तिसरा कसोटी सामना | 1-5 मार्च 2023 | धर्माशाला |
| चौथा कसोटी सामना | 9-13 मार्च 2023 | अहमदाबाद |
| पहिला एकदिवसीय सामना | 17 मार्च 2023 | मुंबई |
| दुसरा एकदिवसीय सामना | 19 मार्च 2023 | विशाखापट्टम |
| तिसरा एकदिवसीय सामना | 22 मार्च 2023 | चेन्नई |
महत्त्वाच्या इतर बातम्या :