मुंबई : महाराष्ट्र केसरी अभिजीत कटकेनं सेनादलाच्या संजयवर ६-३ अशी मात करून, अंडर ट्वेन्टी थ्री राष्ट्रीय कुस्ती स्पर्धेत सुवर्णपदकाची कमाई केली. राजस्थानमध्ये आयोजित या स्पर्धेत अभिजीतनं १२५ किलो गटाचं सुवर्णपदक पटकावलं.

महाराष्ट्राच्या सागर मारकडला ५७ किलो, अक्षय हिरगुडेला ६५ किलो आणि कुमार शेलारला ७४ किलो गटात रौप्यपदकावर समाधान मानावं लागलं. या स्पर्धेत महाराष्ट्राला एक सुवर्ण आणि तीन रौप्यपदकांसह सांघिक तिसऱ्या क्रमांकाचा मान मिळाला.

अंडर ट्वेन्टी थ्री राष्ट्रीय कुस्ती : अभिजीत कटकेला ‘सुवर्ण’


सुवर्णविजेता पैलवान अभिजीत कटके २०१६ साली महाराष्ट्र केसरीचा उपविजेता, तर २०१७ साली महाराष्ट्र केसरी ठरला होता. त्यानं अंडर ट्वेन्टी थ्री गटाची राष्ट्रीय कुस्ती गाजवून आपल्या लौकिकात आणखी भर घातली.

अभिजीतच्या या यशात प्रशिक्षक अमर निंबाळकर, हणमंत गायकवाड यांचा मोलाचा वाटा आहे.