रिंकू राजगुरुसह 'कागर'ची टीम विठुरायाच्या चरणी

अभिनेत्री रिंकू राजगुरूच्या 'कागर' चित्रपटातील संपूर्ण टीमने आज पंढरपुरात जाऊन विठुरायाचे दर्शन घेतलं. यावेळी चित्रपटाचे दिग्दर्शक मकरंद माने, रिंकू राजगरु, शुभंकर तावडे उपस्थित होते.

सध्या निवडणुकांची धामधूम सुरु असतानाही कागरला प्रेक्षंकाकडून उदंड प्रतिसाद मिळत असल्याचे मकरंद माने यांनी सांगितले.

कागरच्या टीमचा विठ्ठल-रुक्मिणी मंदिर समितीच्या वतीने सदस्य संभाजी शिंदे यांच्याहस्ते सत्कार करण्यात आला.

राज्यात 375 सिनेमागृह आणि आठवड्यात 7 हजार शो सुरु असलेल्या 'कागर'ची तुलना 'सैराट'सोबत करणे चुकीचे आहे. तसेच कागर सिनेमात सैराटचा स देखील नसल्याचं मकरंद माने यांनी सांगितलं.

सैराटला मिळालेल्या उदंड प्रतिसादानंतर रिंकूला कागर सिनेमाकडूनही तेवढ्याच अपेक्षा आहेत.

'कागर'ची टीम सध्या प्रमोशनसाठी राज्यभर फिरत आहे. आज या सर्वांनी अकलूज आणि पंढरपूरमधील चित्रपटगृहांना भेट देत प्रेक्षकांना प्रतिसाद पहिला.