'राहुल पर्व'च्या निमित्ताने दिल्लीत जल्लोष!

यावेळी माजी पंतप्रधान मनमोहन सिंग यांच्यासह काँग्रेस पक्षातील दिग्गज नेते हजर असतील.

राहुल गांधी आज सोनिया गांधींकडून काँग्रेस अध्यक्षपदाची सूत्रं हाती घेणार आहेत.

राहुल गांधी जेव्हा अध्यक्षपदाची धुरा हाती घेतायत, तेव्हा 80 टक्के भारतात काँग्रेसनं सत्ता गमावली आहे. त्यामुळे मोदींना टक्कर देत काँग्रेसचं नवसर्जन करण्याचं मोठं आव्हान राहुल गांधींसमोर आहे.

वेगवेगळ्या राज्यातील लोककला काँग्रेस कार्यालयाबाहेर सादर केल्या जात आहेत.

एक भारत, श्रेष्ठ भारत असं चित्र दिल्लीत दिसत आहे.

तसंच मिठाईचं वाटप सुरु आहे. शिवाय देशभऱातून आलेले लोक कलाकार आपली कलाही सादर करत आहेत.

राहुल पर्वाची सुरुवात होणार असल्यानं काँग्रेसचे कार्यकर्तेही उत्साहात आहे. काँग्रेसच्या दिल्लीतील कार्यालयाबाहेर फटाक्यांची आतषबाजी सुरु आहे.

गेली 13 वर्ष देशातील काँग्रेसजन ज्या क्षणाची वाट पाहात होते, तो क्षण अखेर आला आहे.