शेम टू शेम...मादाम तुसाँ म्युझियममध्ये अनुष्काचा मेणाचा पुतळा!

मादाम तुसाँ म्युझियमध्ये पुतळा बनणं हे एखाद्या कलाकाराची लोकप्रियता आणि यश दाखवतं. आता अनुष्का शर्माही ही बाब एन्जॉय करताना दिसत आहे.

हा पुतळा पाहिल्यावर यातली खरी अनुष्का कोण हा प्रश्न तुम्हाला नक्कीच पडेल, एवढा तो हुबेहूब बनवला आहे.

अनुष्काचा हा पुतळा 'आयफा अवॉर्ड्स एक्स्पिरियन्स' गॅलरीमध्ये ठेवला आहे.

आपल्या मेणाच्या पुतळ्यासोबत फोटो काढण्याचा मोह अनुष्कालाही आवरला नाही. तिने सेल्फीसह वेगवेगळ्या पोजमध्ये पुतळ्यासोबत फोटो काढले.

सिंगापूरच्या मादाम तुसाँ म्युझियममध्ये अमिताभ बच्चन, शाहरुख खान आणि माधुरी दीक्षित यांसारख्या मोठ्या बॉलिवूड कलाकारांनंतर आता अभिनेत्री अनुष्का शर्माचाही मेणाचा पुतळा ठेवण्यात आला आहे.

अनुष्काने काल (19 नोव्हेंबर) स्वत: आपल्या मेणाच्या पुतळ्याचं अनावरण केलं. या म्युझियममधील अनुष्काचा मेणाचा पुतळा खास आहे. पुतळा सेल्फी पोजमध्ये बनवण्यात आला आहे. त्यामुळे प्रेक्षकांना अनुष्कासोबत सेल्फी घेण्याचा असाही आनंद लुटता येणार आहे.