IPL 2022 : महेंद्रसिंह धोनी का घालतो 'नंबर 7'ची जर्सी? धोनीनं स्वतः दिलं या प्रश्नाचं उत्तर

IPL 2022 : टीम इंडियाचा माजी कर्णधार कॅप्टन कूल (MS Dhoni) आयपीएलच्या मैदानातही धमाकेदार खेळी करताना दिसून येतो. (photo:mahi7781/ig)

आयपीएलमध्ये (IPL) धोनीच्या खांद्यावर चेन्नई सुपर किंग्स (CSK) संघाची कर्णधार पदाची धुरा आहे. ही जबाबदारीही धोनी यशस्वीरित्या पार पाडताना दिसतो. (photo:mahi7781/ig)

पण सध्या चर्चा रंगली आहे ती, धोनीच्या जर्सीवरील 'नंबर 7'ची. अनेकांना पडलेला प्रश्न म्हणजे, महेंद्रसिंह धोनी नंबर 7ची जर्सी का घालतो? याचं उत्तर स्वतः धोनीनं दिलं आहे. (photo:mahi7781/ig)

चेन्नई सुपर किंग्स (CSK)चा कर्णधार एमएस धोनीनं खुलासा केला आहे की, 'नंबर 7' त्याच्या फार जवळचा आहे. कारण त्याचा जन्म 7 जुलै रोजी झाला होता. त्यामुळेच त्याच्या जर्सीचा नंबर 7 आहे. हा नंबर त्यानं कोणत्याही अंधश्रद्धेला बळी पडून निवडलेला नाही. (photo:mahi7781/ig)

धोनीनं जेव्हापासून क्रिकेटमध्ये आपला आंतरराष्ट्रीय डेब्यु केला आहे, तेव्हापासूनच त्याच्या जर्सीचा नंबर 7 आहे. धोनीमुळेच 'नंबर 7' हा अनेक चाहत्यांचा आवडता नंबर झाला आहे. (photo:mahi7781/ig)

इंडिया सिमेंट्स, चेन्नई सुपर किंग्जच्या मालकांचा मूळ गटाद्वारे आयोजित एका कार्यक्रमात चाहत्यांशी बोलताना धोनीनं अनेक गोष्टींबाबत माहिती दिली. यावेळी भारताचा माजी कर्णधार धोनीनं नंर 7 का निवडला त्याचंही स्पष्ट कारण सांगितलं. धोनी म्हणाला की, अनेक लोकांनी सुरुवातीला विचार केला होता की, 'नंबर 7' माझ्यासाठी एक भाग्यशाली अंक आहे. खरं तर यामागील कारण म्हणजे, माझा वाढदिवस 7 जुलैला असतो. सातव्या महिन्यातला सातवा दिवस हे माझ्यासाठी आवडता नंबर आहे. त्यामुळे मी माझ्या जर्सीवर लिहिण्यासाठी माझ्या जन्मतारखेची निवड केली. (photo:mahi7781/ig)