Naveen Ul Haq : लखनौच्या पराभवानंतर नवीन-उल-हक ट्रोल; आरसीबीच्या चाहत्यांचा निशाणा, चार विकेट घेणं व्यर्थ

आयपीएलच्या (IPL 2023) मधील एलिमिनेटर सामन्यात मुंबई इंडियन्स (MI) विरोधातील पराभवानंतर लखनौचा (LSG) गोलंदाज पुन्हा एकदा ट्रोल झाला आहे.

आता आयपीएल 2023 मध्ये लखनौ संघ नॉकआऊट झाल्यानंतर कोहलीच्या चाहत्यांनी नवीनवर निशाणा साधला आहे.

इतकंच नाही तर, आरसीबीच्या चाहत्यांना मुंबई इंडियन्सच्या चाहत्यांचीही साथ मिळताना दिसत आहे.

कोहली आणि नवीन यांच्यातील वाद गेल्या काही दिवसांपासून चर्चेत आहे. आयपीएल 2023 मधून रॉयल चॅलेंजर्स बंगळुरु बाहेर गेल्यावर नवीन-उल-हकने कोहलीला डिवचण्याचा प्रयत्न केला होता.

नवीनने आरसीबीच्या पराभवानंतर 'गोड आंबे...' अशी स्टोरी इंस्टाग्रामवर पोस्ट केली होती. नवीनने कोहलीला डिवचण्यासाठी सोशल मीडियावर अनेक स्टोरी आणि पोस्ट केल्या होत्या.

त्यानंतर आता लखनौही आयपीएल 2023 मधून बाहेर गेल्यावर आरसीबीचे चाहते नवीन उल हकला ट्रोल करताना दिसत आहे.

आयपीएल 2023 मध्ये आरसीबी आणि लखनौ सामन्यादरम्यान कोहली आणि नवीन यांच्यात वाद झाला, यामध्ये गौतम गंभीरनं उडी घेतली.

यानंतर विराट कोहली आणि नवीन-उल-हकसह लखनौचा मार्गदर्शक गौतम गंभीर यांच्या चाहत्यांमध्ये सोशल मीडियावर जुंपली पाहायला मिळाली.

कोहली आणि गंभीर यांच्यातील वाद सर्वज्ञात आहे. या घटनेनंतर हा वाद पुन्हा चव्हाट्यावर आला. तर नवीनही मागे हटण्याचं नाव घेताना दिसत नाही. तो सोशल मीडियाच्या माध्यमातून कोहलीवर निशाणा साधताना दिसतो.

इतकंच नाही तर, फूड डिलिव्हरी ॲप स्विगी आणि झोमॅटो यांनीही याबाबत मजेदार ट्वीट केलं आहे.

महत्त्वाचं म्हणजे मुंबई विरुद्धच्या सामन्यातच नवीनने चार विकेट घेतल्या पण, त्याची ही खेळी व्यर्थ ठरल