Sania Mirza : 22 वर्षांचा कारकिर्दीला इमोशनल होत सानियानं दिला निरोप, अश्रू झाले अनावर

भारताची स्टार टेनिसपटू सानिया मिर्झाने अलीकडेच एका भावूक सोशल मीडिया पोस्टमधून निवृत्ती जाहीर केली होती.

ज्यामुळे ऑस्ट्रेलियन ओपन तिची अखेरची ग्रँडस्लॅम स्पर्धा होती. ज्यात तिने फायनलपर्यंत धडक घेतली.

पण अखेरच्या सामन्यात पराभव झाल्यानं अखेरच्या स्पर्धेत ग्रँडस्लॅम जिंकण्याचं तिचं स्वप्न अधुरं राहिलं आहे.

ऑस्ट्रेलियन ओपन स्पर्धेच्या मिश्र दुहेरीच्या फायनलमध्ये सानिया मिर्झा आणि रोहन बोपण्णा जोडीचा 6-7 (2), 2-6 असा पराभव झाला.

सानिया मिर्झाच्या व्यावसायिक कारकिर्दीतील हा शेवटचा सामना होता.

ज्यामुळे सामन्यानंतर संवाद साधताना सानिया भावूक झाल्याचं दिसून आलं. तिला अक्षरश: अनावर झाले होते.

दरम्यान 36 वर्षीय सानियाने वयाच्या 18 व्या वर्षी पहिला ग्रँडस्लॅम सामना खेळला होता. 2001 मध्ये तिने भारताच्या ITF टूर्नामेंटने आपल्या करिअरची सुरुवात केली. यानंतर पुढची 22 वर्षे तिने टेनिस जगतात बरचं यश मिळवलं.

आता कुटुंबाला खासकरुन मुलाला वेळ देण्यासाठी निवृत्ती घेत असल्याचं तिनं सोशल मीडिया पोस्टमधून सांगितलं होतं.

2009 मध्ये सानियाने कारकिर्दीतील पहिले ग्रँडस्लॅम जेतेपद पटकावले. ती ऑस्ट्रेलियन ओपन 2009 मध्ये महेश भूपतीसह मिश्र दुहेरीची चॅम्पियन बनली. यानंतर त्याने फ्रेंच ओपन 2012 आणि यूएस ओपन 2014 मध्ये मिश्र दुहेरीतही विजेतेपद पटकावले. यानंतर तिचे अधिक लक्ष महिला दुहेरीवर गेले.

2015 मध्ये, सानियाने विम्बल्डन आणि यूएस ओपनमध्ये महिला दुहेरीचे विजेतेपद जिंकले. 2016 मध्ये ऑस्ट्रेलियन ओपनमध्ये महिला दुहेरीचे विजेतेपद पटकावण्यात ती यशस्वी ठरली होती. अशाप्रकारे त्याने आपल्या कारकिर्दीत एकूण 6 दुहेरी ग्रँडस्लॅम जेतेपदे जिंकली. सानिया मिर्झाने प्रथमच महिला दुहेरीत प्रथम क्रमांक पटकावला. 13 एप्रिल 2005 रोजीच तिनी हे स्थान मिळवले. ती तब्बल 91 आठवडे टॉपवर राहिली होती.