IND vs NZ Final : विराट कोहली फायनल सामन्यातून जाणार बाहेर? सराव सत्रात नेमकं काय घडलं?

आयसीसी चॅम्पियन्स ट्रॉफी 2025 चा अंतिम सामना रविवारी (9 मार्च) दुबई आंतरराष्ट्रीय क्रिकेट स्टेडियमवर खेळला जाईल.

या जेतेपदाच्या सामन्यात भारतीय संघाचा सामना न्यूझीलंडशी होईल.

या अंतिम सामन्याच्या फक्त एक दिवस आधी भारतीय चाहत्यांसाठी एक धक्कादायक बातमी समोर आली आहे.

भारताचा माजी कर्णधार विराट कोहली जखमी झाला आहे.

हा दावा पाकिस्तानी वेबसाइट जिओ न्यूजने केला आहे.

त्याने त्याच्या अहवालात म्हटले आहे की, कोहलीला सराव सत्रादरम्यान दुखापत झाली.

चेंडू त्याच्या गुडघ्याजवळ लागला.

कोहलीला इतका त्रास होत होते की, त्याचे सराव सत्र थांबवावे लागले.

पण, संघ व्यवस्थापनाने काळजी करण्यासारखे काहीही नसल्याचे पुष्टी केली आहे.

कोहली अंतिम सामन्यात खेळण्यासाठी तंदुरुस्त आहे.