In Pics : न्यूझीलंडच्या समुद्रकिनारी टीम इंडियाच्या खेळाडूंचा डँशिंग लूक, सिक्स पॅक दाखवताना दिसले क्रिकेटर्स

टीम इंडिया सध्या न्यूझीलंडच्या दौऱ्यावर असून या दौऱ्यात बऱ्याच युवा खेळाडूंना संधी मिळाली आहे.

टी-20 मालिकेसाठी जाहीर झालेल्या संघाचे कर्णधारपद हार्दिक पांड्याकडे सोपवण्यात आले आहे.

दरम्यान मालिकेत आधी तीन टी20 आणि मग तीन एकदिवसीय सामने होणार असून या सामन्यांपूर्वी आता खेळाडू अगदी मस्तीच्या मूडमध्ये असून न्यूझीलंडमधील समुद्रकिनारी मजा-मस्ती करताना दिसत आहेत. 

अष्टपैलू खेळाडू वॉशिंग्टन सुंदरने त्याच्या इन्स्टाग्रामवर एक व्हिडिओ शेअर केला आहे.

या व्हिडिओमध्ये भारतीय संघाचे काही खेळाडू समुद्रकिनाऱ्यावर मस्ती करताना दिसत आहेत.

व्हिडिओमध्ये सर्व खेळाडू समुद्रातून बाहेर पडत असून कोणीही शर्ट घातलेला नसल्याने अगदी डॅशिंग लूकमध्ये प्लेयर्स दिसत आहेत.

क्रिकेटर असल्याने सर्वांची फिट बॉडी असून व्हिडिओमध्ये सर्व खेळाडूंचे सिक्स पॅक अॅब्स दिसत दिसत आहेत. हा व्हिडिओ सोशल मीडियावर मोठ्या प्रमाणात व्हायरल होत आहे. व्हिडीओमध्ये कर्णधार हार्दिक, श्रेयस अय्यर, अर्शदीप सिंह, उम्रान मलिक हे सारे दिसत आहेत.

व्हिडीओ सोशल मीडियावर तुफान व्हायरल होत असून नेटकरी लाईक्स आणि कमेंट्सचा पाऊस पाडत आहेत.

टीम इंडियाने सराव सुरु केला असून बीसीसीआयनेही काही फोटो शेअर केले आहेत.

या मालिकेत आधी 3 टी20 आणि नंतक 3 एकदिवसीय सामने खेळवले जाणार आहेत.