Priyanka & Nick In Photos : प्रियांका चोप्रा आणि निक जोनास राहतात 150 करोडच्या घरात! पाहा फोटो

बॉलीवूड अभिनेत्री आणि आंतरराष्ट्रीय पॉप स्टार प्रियांका चोप्रा सध्या तिच्या पुस्तकामुळे चर्चेत आली आहे.

अनफिनिश्ड असं तिच्या पुस्तकाचं नावआहे. हे पुस्तक प्रियांका स्वत: लिहीत असून तिने तिच्या वैयक्तिक आयुष्यापासून ते प्रोफेशनल आयुष्यापर्यंत अनेक गोष्टींचा उलगडा केला आहे.

या पुस्तकात प्रियांकाने आपल्या लक्झरी लाईफचा उल्लेख केला आहे. लॉकडाऊनमध्ये प्रियांका आणि निक जोनासने लॉस अॅंजिलस, अमेरिका येथे असलेल्या नव्या घरात गृहप्रवेश केला.

लग्नानंतर प्रियांका चोप्रा निक जोनाससोबत अमेरिकेत राहते. दोघांकडे स्वत:ची दोन आलिशान घरं आहेत. लॉस अॅंजिलसच्या घराची किंमत तब्बल 150 करोड रुपये इतकी आहे.

अमेरिकेतील या दोन घरांव्यतिरिक्त भारतात प्रियांकाचं एक घर आहे. मुंबईतील या घराची किंमत तब्बल सात करोड रुपये इतकी आहे. नुकतंच हे मुंबईतलं घर प्रियांकाने जॅकलिन फर्नांडिसला भाड्यावर राहण्यासाठी दिलं आहे.

या घरात मूव्ही थिएटर, जिम, स्विमिंग पूल, इनडोर बास्केटबॉल कोर्ट, लाऊंज आणि अनेक गेम्स अशा अनेक गोष्टींचा समावेश आहे.

या घराव्यतिरिक्त निक-प्रियांकाची आणखी एक प्रॉपर्टी मॅनहॅटन, न्यूयॉर्क येथे आहे. हे एक पेंट हाऊस असून यात अतिशय सुंदर लक्झरियस डेकॉर करण्यात आलं आहे.

या घराचे गृहप्रवेशवेळीचे फोटो प्रियांकाने या पुस्तकात वापरले आहेत. प्रियांका चोप्रा आणि निक जोनास ही दोघेही आपल्या लक्झरीयस लाईफस्टाईलसाठी ओळखली जातात.